«النقطة السوداء»
إنتي نگطه ، نگطه سوده او من بعید انظرإلچ واتعجّبیت
نگطه سوده ولامّه الدنیه ابحضنها امن اصطبیت
من صغر أنظرلچ انتي وشنهو إنتي ما عرفتچ وآنه شایب شيّـبـیت
من بهائچ إنتي کعبه ومن حجابچ إنتي ماما ومن جدارچ إنتي بیت
إنتي دیره وساحلچ میناء للکل حسّبیت
حیث اشوف السفن کلها امطبّگا ابساحل جمالچ
لایذه ابسدّچ عجایب من جنوبچ من شمالچ
شنهو إنتي وگلبي خلـّص کل قراره
والله من صبري ازهگت کثر الدواره
إنتي مسجد إنتي قبله وانتي محراب الصلاه وإنتي المناره
او لو أگولن ماعرفتچ والله هاي اکبرخساره
دنیه إنتي وطن إنتي لو سفاره ولو سفاره یا سفاره
بیچ لسود بیچ لبیض بیچ لسمر والحمر
بیچ هندي وبیچ مصري وبیچ باکستاني بیچ امن القطر
بیچ عربي وبیچ عجمي وبیچ کردي وترک بیچ امن البشر
والبیاض اعلیچ نازل بـَـفر طاعه
ثابته انتي وهالبفرصایر إلچ چن میل ساعه
شاعّه وکون الله ماخذ من حسِن وجهچ شعاعه
واگفه اوگف الزمان ابذاک حیلچ
یحس بالراحه وآمان الیصطبیلچ
ردّي اعلي ماعرفتچ بس دخیلچ
مو ورگتي امننــتي إنتي اصبحت مالیها ملي
چلمه وحده وإنتي بس ردّیها بالملفض إلي
إنتي قبله الهیچ گاعچ بالخلایگ تمتلي
او لون قبله چا لعد بیت القدس شانه امن اجلمن معتلي
رجعت وردّت عَلي یا سائلي
القدس قبله وصح کلامک لچن چان الأولي
گوم إحرم واعتـنیني وضحّي للجبّار بالمذبح طلي
وانظر الطر الشرف واعرف مقامي ابغیض حزب الجاهلي
کعبة الإسلام آنه وقبله للکل، لائن من بطني اوضعة حیدرعلي
التعليقات (0)
إظهار/إخفاء التعليقات
إظهار/إخفاء صندوق مربع التعليقات