« فزّزني طيفچ »
في حق السيدة فاطمة الزهراء سلام الله عليها
فـزّزني طيفچ فزّزني وصرت اعـــتز آنــه ابــهالــفزّه
والــرايــد يــعتز بــالـــعالــم بـس بــسمچ تحلاله العِزّه
إنتي الدينه امن اجلچ غرمت وامسة تتباها ابـكل حَـزّه
يالعرش الله اصبح كاروكــچ والأمــلاك اللــيله اتــهزّه
يم عطر الفاح اعـله الــدنــيه ولـستشمام الـعالـــم يـــزّه
وانتي العطرچ عطر الجنّه وربّچ حـگ عـشـّاگــچ دزّه
إنـتي الـزهـرا وصـبحت روحـي ابكرّاسـة مدحچ ملتزّه
وابطاري اسمچ شعري اتوسّع واصبح لليسمع بيه مـزّه
والــمايــعرف ظـل عـن شـانچ وابليس ابـضد حبّچ وزّه
ابّاب اجهنم علـّگ روحـه ولـقدومــه انـدگـّـت فــد رزّه
تابــع نــاس الــكسرة ضــلعچ بــالــديــنه وآخـر تـتخزّه
من حــگـنا الـنجعلهم مَــضحك واعــلـيهم دايــم نــتهزّه
عدوانچ حتـّى انفاس الــرب مـن عـدهم صارت منچزّه
الـتابــع خصمچ هاي الصرخه خلها ابذانه اتـولـّـِد وزّه
يامــن كــون اتــصيبه العلـّه ولاخر عمره ايعيش ابنزّه
وسهم الـمايــخطي امـن اصوابه ابدلاله اليبغضلچ بزّه
التعليقات (0)
إظهار/إخفاء التعليقات
إظهار/إخفاء صندوق مربع التعليقات