«بحرالوفاء»
يارحم شالك يخنـّاگ النفوس ويابطن شالت إلك
گالت امّك يمكن احمل جبل شامخ لوفلك
گفو ابائم الإلك شالت تسع تشهر زلمه لوشالك دقايق چا هلك
تعّبت لم البنين الوعد گرّب گوم آلاف البشر تتأمّـلك
گوم نوّردنية امّك حتـّى من در المحنـّه اتچمّلك
واگفا الدنيه اعله دارك گبل إمّك إلها نيّه اتقبّلك
وعله كاروكك دطالع سيمة الخِدّام گاعد چم ملك
والك رايه انذخرة الهيبة كمالك بين كل هالناس بس تستاهلك
هالعلايم كلها تمهيدات للطف والمطاف اعله الشريعه ايوصّلك
گطـّع اگماط الرضاعه وبيّن امن المهد زودك حگ هلك
خل يسن حسين سيفك والعقيله ابجود سگـّاي العطش تستقبلك
حتـّى تعرف هدف زينب لو إجت بكليل حبها اتكلـّلك
عيونها اتحاچيك واتخبّرك كلشي ابليلة الميلاد عن مستقبلك
وانته مستقبلك غنـّاوة الدنيه امن الولاده اتغنـّي بيك المقتلك
خطوه خطواتك عجايب حيث كل خطوه ابشموخ اتأهـّلك
اولون مابيك الكفائا المرتضى اعله الحرّه ماظن كفـّلك
لچن تربيته ويعرفك وابدلال الشرف والعِز دلـّلك
وعله ضرب السيف والطگ من كمال المعنه والفن كمّلك
وابسلوكه السوح حربك طولك المرهب يبن حيدرسلك
من تهد كرار ثاني ايموت گبل الطگـّه كلمن جابلك
ماكو مثلك وگف ويّه حسين بالطف يابو جود الِروا الدين ابمنهلك
من ندب لحسين يالعباس و حشـّم عيب سيفك صاربالطگ خاذلك
سوّدت دنياها بطفوف المفاخر حيث مابيهم شجاع ايعادلك
چنت للكـفـّار علگم لچن للعشـّاگ آيه وربّك ابمنزل كماله امنزّ لـك
تعترف بيك النواصب لسّه ظلـّت وانته چم محتاج حين الواصلك
اگضيت همته وماتعطـّل حيث باب الحاجه ربّك جاعلك
ماترد طلاّب خايب لائن موطبعك ترد چف سائـلك
إنته لن بحر الوفه ابوجهك تجسّم حيث تتلاطم الغيره ابساحلك
التعليقات (0)
إظهار/إخفاء التعليقات
إظهار/إخفاء صندوق مربع التعليقات