« کهف الصبر »
إخـجل یــا جــبل یــالــفجّرک بـــرکــان وصرت امن الصخرعالأرض کود اتراب
چنت شامخ ابطولک واعــتلیت الـــغیم مــن ذاک الـــشموخ اصـبحت مـاتـنهاب
فــاقــد قــوّتـک والـریــح یــلعب بــیک وابـحلگ الــذواري ایـــفرّک الـــدولاب
انـتهیت انـته ونـهایة موقفک بــس هــاذ رمــله وللــسحگ آخـــر وکـــت تنساب
مـا جـابهت نـکباتـک الـــحاطت بــیک شــعاتــب یـا جــبل واشـــمنفعت لـعتاب
اذا گـالــوا جـبل مـو إنــته یــالــمسکین بــاوّل طــگـّه بــیّن بـیک کـــل اعــیاب
الجبل ذاک الحمل کل مجزرت لطفوف لاچـن مــا تـگلگل مــن هـــوا الإرهـاب
اوتدري الـبالـطفوف اشصارذاک الــیوم حــتـّی الــسما هــلـّت دم دمـــع ســـچّاب
لاچــن هــا جــبلنا ایــشابــچ الـــصعبات خلـّه الزمن عنـّه ایـــسولـف ابــإعــجاب
کهف الصبر لو گـالــوا یـــلوگ اعــــلیه ماخـلـّه الضنون امـــن الـحسین اتــخاب
هَــــذا ابــــن الــحسین الــعجّب الــتاریخ شــي أرّخ ابــحقـّه اشــــتکتب الـــکتـّاب
رجل مچتوف والـجامـعه اعـــله الـمتنین لاچــن مــن حـچه اتـعجّبت بـیه لــجناب
یا هــو چــن أســد هَــذا وخـنگ لـیزیــد واهــوا الــچان أوّل عــمره یــنعد شــاب
مایـــدرون حتـّی الــبالــمهد لــوصـــاح من ذخـر الـهواشــم شــبه ریـــح الــهاب
یهتزله العرش والأرض تختض خـوف مــن شــارتــه العایل عالــوجـه یــنصاب
چا شــنهو عـــلي الــسجّاد هــیّن چــــان مـاهـــم بالــعلیه حــاطــت شــبیه اذیــاب
زلزلها وفتک بـــیها وحـــچه اشــما راد داس اعــله الـــفچوچ وکـسّرلــها انـــیاب
لـو گـالوا جـبل هَــذا الـــجبل یــا صــاح نــسخة بَــدل حــیدر ذاکـــا داحــي الباب
حـمل إســمه وصـــموده وهـمّته ومـعناه ابــوالــباقـرعـلي ومـن أشـرف الأنــساب
إبـو الــسجده الطویله الــتهد منـّه الــحیل خاشــع والــدمـوع امـن الـــجفن خــنیاب
خرق سبعه الحجب من سجد شبل حسین والرحمه اصبحت للدنیه ثــوب احـــجاب
لـن مــن چــان یــسجد تـهبط الأمــــلاک واتـــسجّل صـــحیفة مــلفضا ابــــــأداب
یــعم الــخلگ کـلها ابـسر دعـائـا الــحِید ومــن هَــذا الـدعـاء انطبع بــسمه اکـتاب
صحیفه ویا صحیفه الــسحرت الأفـــکار مواعض علم حکمه ابکل حــرف منیاب
وین اهیا التسولف خــل تــلم احــــروف وابــمدحــه تـــسولــف لــلإجــتله احــباب
یــستاهــل الــــعالــم کــلـّه یـــعلن عـــید بولادتــه الــجت مــن أشـرف الأصــلاب
خامــس للـحجج مـن قــبل رب الـــکون لایـــگ نــــلبس ابـــمیلاده أحــله اثـــیاب
وانــعایــد الــدنــیه ابــمولـــــد الــــسجّاد للــحضرت اویــانــه وللـــــمست غـــیّاب
منو الماحارب ایگلّک عـلي ابـن حـسین گــاعــد چــان بــــالــخیمه ابـکترلــطناب
حارب حرب أکلف من الطّگ بـالـسیف دمّــرهــا ابــصلابــة صبره والأعــصاب
حمل عوچیته بیده وهَـد عــلیها اشـــلون راعــي ونــزل عـالحیوان دگ واطــباب
دنـگنت روســـها وخــجّلها ذاک الـــیوم کـــل چـــلمه عـــلیهم أشــــد مــن نشـّاب
بــلاغــة مـلفضه اتــحیّرت بــیه لـــفکار شــتجاوب عــلیه مـا إلـها ظـل اجـــواب
مــن کِتر الــنهر شـــال الــــعلم خــفـّاگ رغــم اعــله الإنـــوف الصبّحت أحزاب
ودگـّه ابــیمنته اعـله الـــقمم یــخفج زود من عــبّاس بــکتار الــشریــعه انــصاب