« إدمان الأکابر»
أکوعبوه وتنزرع بحزام ناسف لو انفجرت بیها تتکتـّل رجال
اوکو چلمه ابحین تحچیها الأکابر تنحنی الحچّایها اتلول الجبال
وین ذیچه اوّین هایه وانته قیس الفرق یالعندک کمال
هایه هم اترید تعلیم ودراسه وهم ترید امن احّد اجواب وسؤال
لیش میزان العقل ماینصف الحگ دایم انفضّل حرام اعله الحلال
دولة الله بیها مجلس یحکم اعله الدنیه بجنوب وشمال
او هیچ مجلس منهو الیتریّسه وینصف لون یبدی المقال
کون نوگف یمّه وگفه ونغرف امن المعنه غرفات الزلال
مو انخبطت وانغزینه ابگوم ابو سفیان وکل یوم اغتیال
چان اوّل لغتیال ابسیف باشط تالي صار ابغمبلة سوح القتال
ایفجّروها ابـّین ناس الأبریاء وتغدي متگطـّعه وصرعه اعله الرمال
بعد شافوا چنـّه هالتفجیر ما یوصل هدفهم والأمل حاقدها مایحقق منال
بالإبر وحبوب والنشعه الخبیثه انفتحت الإبواب حتـّی اعله لطفال
عشعش الإدمان ببیوت الأکابر والزلم ظلـّت تعیش اعله الخیال
امخومره وحالتها حاله امن التکبسل کل وکتها امهدبله وماعدها حال
واصبح البافور حاکم بالعشایر والشیوخ انطـته قدسیّة مجال
وامسة المنقله سکـّان المجالس حضنت التریاگ بمچان الدلال
وغیمة الدخـّان متربعه ابفضاها ومنها ماینسمع بس کح السعال
هاي إحنه ولون امریکا علینه اترید تهجم بیمن انعمّر میادین النضال
چان بس الله وأهل بیت الرساله التلتفت لحوالنا ابیوم النزال
ویرد غایب هالأرض ویطبّق الحگ من یشد ابعدله لحبال الوصال
ویصبح ابدستوره من کل المنایر یرجع اعلي العالم ایأذ ّن بلال