«للإمام الحسين (ع)»

گبّتك يــحسين تـــــلمع مـــن بـعيد     حــلوا وامــن الـذهـب كلها امعدله

اوقــبر هــالـعادوك يــابـاب النجاة     أرض مــيته وچــنها كـومة مزبله

هـَـذه شــاهـد واضـح اوثابت بيان     واللي مــوشــايـف يـروح الكربـله

والــطفوف ايــشوف بــيها گــبتين     هاللي مــنهن نـور شـعشع وعـتله

گبّه وحـــده اتـكون لحسين الشهيد     واليزوره ايـــزول عنـّه الــمشكله

اوگبّه اُخرى امجابله اويمها تكون     وهــيا للـعباس راعــي الـــمرجله

هـالگبب تــمثال رمـز التضحيات     تضحيات حــسين وصـحابه وهله

اوكــعبة الأحـــرار تـبقى كربلاء     يــوم بــيها حـــسين نــوّخ مـحمله

الشاعرحسين النصاري