الوجه الصبوح

الوجه الصبوح

إرسال إلى صديق طباعة PDF

 

 

« الوجه الصبوح»


إنت عباس ابن حيدر كلها عرفت عبقري ونشمي اوفي وعالم نصوح

غيرتك طافح بحرها ابعين عبّاسك يبن حيدر تلوح

والبدايه ابّـاء باسك تشفي كل المرض ودّاوي الجروح

وابألف آسك فلا ييأس الحبّك دايم اعله الحبّـتك عطرك يفوح

وبحرف سينك نسن سيف التحدّي ونهجم اعله الطاغيه ونهدم صروح

هذا إسمك وابگا يشرح كل حرف من إسمك اسراره ويبوح

لون من العين حد سينك اندبك رابع ابشعبان ايهل وجه الصبوح

تنولد يالگمر وانبادل تهاني وننشر الزينه ابقدومك عالصطوح

او لون من السين حد العين اندبك سابع ابعاشور والنايح ينوح

ذاكه يوم البيه وفيت ابحد عضيدك والنصر عالعالگمي اندگ ابوضوح

ابكل ممر طرواك أسرار النا تظهر تجعل اليحچي ابكراماتك طـَموح

اشما يجي ويتوسّع اكثر يم صفاتك يجذبه الإلهام وعدصحنك يروح

ويظل يستوحي المفاخر من كمالك يابو گبّه الشامخه ابجو الفخر

گشـّعت كل السحب كل الموانع وابشمس وجهك لمع نور الگمر

وامسا عنوان البني هاشم ابإسمك ما كو غيرك گمر حگ سادت مضر

ظل گمر وجهك عله اخشوم الكواكب ما يحجبه الغيم خل كل ماكثر

شامخ ابجو الوفه وبالغيره تلمع رغماً اعله العادتك رغم الدهر

واللي مايقبل ، يجي ويتعنـّه للطف وابوسط صحنك يفتـّح للنظر

چيف جنـّة حضرتك تزهي ابضريحك والشمر ويزيد مامنهم أثر

هذا عنوان النصر هاي البطوله مهو من يتخيتل ابغدره وغدر

إنته من قدّمت چفـّينك هديّه انطيت راية حيدر ابچف النهر

والنهر ظل محتفظ بيها ابمودّه اشوكت ما يتعنـّه مهدي المنتظر

 


 

إحصائات

الأعضاء : 13346
المحتوى : 198
دليل المواقع : 1
عدد زيارات المحنوى : 798451

آلبوم الصور

فقط للشعراء

خريطة الموقع

هدف الموقع

السيرة الذاتية