زینة العبّاد

زینة العبّاد

إرسال إلى صديق طباعة PDF

 

« زینة العبّاد»

اتخیّل گوم مهرک یا قلم خلـّیک من أهل الوفه ولاتخلف المیعاد

عندک وعد ویّه اهل التقی امن ازمان لازم تاخذ استعداد

مهرک چف موالي وأسرجه الإلهام والگرطاس صارت للسحگ مطراد

إسحک والأثر خل یشهد ابکل یوم بس إنته الوفي وصرت ابوعودک جاد

لن آثار جدمک یالقلم تقریر عن منهج عَشمتک مایردها اعناد

مطرادک وسیع اطرد طرد من کون یتخلـّد أثر بیه تفخر الأمجاد

آثاراک حروفک والحروف آثار ترسملک وثیقه المایطگها ابیاد

بس من کون تستهدف اشراف الناس ذیچ المنها نشئت أسید الأسیاد

وتحچي ابحقها حچي اکبار بیه مضمون وش منفعة خاوي ابلا نفع واکواد

هاللیله الزمان انـثـنا وهبّط هام تجلیل وکرامه امن اجل هالأعیاد

او من مر ثالث ورابع شهر شعبان بالخامس علی الأعیاد عیداٍ زاد

وسترهاشم وعدنان والمختار من بشروا حسین ابمولد السجّاد

هذا الشهد حتـّی العدو ابحقـّه وگال زین العابدین السکـّت ابن ازیاد

ویزید انبلم من وگف ذاک الیوم وابخطبته اتحدّه وخجّل الأوغاد

عنوان الزلم یندرس بالکلفات مایرجع یظل ابکل وکـت هـدّاد

وشفت ابن الحسین اشسوّا ذاک الیوم خجّلهم ابلفضه الشبه سیف الحاد

رغم کل المأسي وموقفه المعروف دگ للصبر بحدود العزیمه اوتاد

وعجّب کل الاجیال ابممر طرواه وظل عنـّه الزمان ایغرّد ابإنشاد

بحر امن المناقب گول کل ماتگول عجبه او مامثیله ابهالوصف ینعاد

من یسجد سجوده ایعجّب الأملاک لایگ من تسمّه ابزینة العبّاد

شهدتله الصحیفه الترک بیها آثار عرفان السماوي ونورللأکباد

مفتاح الوصول الطاعة الرحمن تحمل من مفاهیم العلم أبعاد

مدرسة الدعا وفتـّحها للأجیال ماخاب الدرس بیها وحوا الإرشاد

منفذ للخشوح امگابل المعبود إقرا ابهالصحیفه وإخذ کل امراد

دوّنها الزمن والصیت شگ الکون کل ما تقرا بیها اعلوم الک تزداد

من حگـّه لحسین الیفتخر هالیوم من بشـّرا الباري ابزینة الأولاد

والأملاک هبطت قدمت لورود لحسین وتهنـّي ابلیلة المیلاد

 


 

إحصائات

الأعضاء : 13346
المحتوى : 198
دليل المواقع : 1
عدد زيارات المحنوى : 798454

آلبوم الصور

فقط للشعراء

خريطة الموقع

هدف الموقع

السيرة الذاتية