کان الاول

کان الاول

إرسال إلى صديق طباعة PDF

 

وهذه القصیدة في مناسبة ذکری عید الفطر تحت عنوان ( کان الاول)

 

« چان الاوّل »


چان الاوّل هم تجینی وهم اجیلک ... ونتبادل للأحاسیس الجمیله
چان الاوّل إید بالإید انتصافح ... من جریب ایهنـّی کل خل الخلیله
چان الاوّل تیی تگعد گعده حلوا ... أهلی والجیران گعدات الطویله
نحسب الساعات للعید ونتاني

أگصد اتعنـّه وأعاید حتـّی ذاک الما إجاني
چنـّه نهدم حاجز الزعلان بالعید ابثوانی
او نگشع غیوم الزعل بجمل تهانی
چان الاوّل نشتری اثیاب الجدیده
والطفل نشریله کل شي الیریده
فرحة الأطفال فرحتنا السعیده
چان الاوّل نرکض انصلـّي صلاة العید، اهلنا العلمونه
وحله عید البی نبدّي انعاید الإمنه وإبونه
ونتـلذذ بلمعاید من أهلنا ایبوّسونه
وناخذ العیدیّه من إمنه الحنونه
چان الاوّل عدنه یوم العید أجمل وحله ونسه
چان الاوّل ذاک الوّل منهو گلـّک أگدر انسه
بیدي لمرش ورکض ابماي الورد حنیّه اترسه
ونطي کلمن مرعلینه وصار بحچایات حلوا ایعلـّي حسّه
وآنه کلشی الحلو ابکل ذوق اسمعه ومنهم ابئلحاح ادرسه
لیش الاوّل مهو أوّل
کلشي عن سابج تبدل
سوگ فرحتنا القدیمي انغلگ دکانه وتعزل
گمت اعیش ابذکریاتي ونوب أضحک نوب أتهل
صدگ عدنه الخیر واید
لچن متبدله العواید
ما أریدن أحچي زاید
چان الاوّل تجي الأطفال ابگلب متروس رقــّه
اومن تدگ الباب یاخذ کل طفل من عدنه حقــّه
لچن هسّه وبالشوارع سبّبت للکل مشقـّه
امچان چلمة عیدک امبارک یعمّی اتفجر ابوجهک ترقــّه
والأهل حالتها حاله
هالگلب مدري اشدهاله
اتعایدک بس برساله
بالتلفونات تتعاید الوادم
غیّرت کل المراسم
عالگلب یا حکم حاکم
لچن عد بعض الأهل موجود الاوّل
چان الاوّل بعده لوّل
منغرس بدمانه ماعیب ایتبدّل
اومن یمر عید الفطر ونشوف کلشي، انگوم سابجنا انتخیّل
بعده ذاک امضیفنه ایضیّف ضیوفه
وعله بسمات المعزب تقرا چلمات العطوفه
بعده ذاک امضیفنه ایحیي ابعمامي ... ویرش ماي الورد بچفوفه الرئوفه
بعده ذاک امضیفنه امشرّع ویصیّح ... یا هله وحیّاک بالکلمن یشوفه
بعده ذاک ابمضیفنه امگعّد ادلاله ... والگهوچي الدلـّه بیده
رنـّت الفنجان لو رنـّت تونس، ... هذا لمعزب نشیده
والمعزب چان ابوي وأفتخر لو بست إیده
حتـّیٰ اگلله وأگلکم عیدک امبارک یبویه وتبگا دنیاکم سعیده


تمت بنظم محمدحسن علي العرادي

آخر تحديث ( الثلاثاء, 04 سبتمبر 2012 22:54 )
 

إحصائات

الأعضاء : 13346
المحتوى : 198
دليل المواقع : 1
عدد زيارات المحنوى : 798455

آلبوم الصور

فقط للشعراء

خريطة الموقع

هدف الموقع

السيرة الذاتية