افخر زواج

افخر زواج

إرسال إلى صديق طباعة PDF

 

« أفـخر زواج »

يــا أفـــخر زواج الــنوّر الــتاريــــخ.... مــن عـنده الزمن بيه لاحت اعـجوبه

شــمس و گـمر نـور ابــنور بـالآفــاق.... دنــيه الـشرف مــنهم ضــوة مـهيوبه

مـابــيه عـبث ابـــداً مـصنع الـــخلاق.... مـن كـل شـي يـجسّم مـصنعه عـذوبه

ابـتدبيره وحـكمته عـجاز فوگ عـجاز.... يــا حـاســوب ايــصيرالألله حـاسوبه

عجن نطفة علي من نوره رب الكون ....وبـــصلب ابـــوطالـب لاح مــطلوبـه

اومن بت أسـد صاحـت يا إلهِ الـغوث ....مــن كـثر الـطلوگ ابــحالـه مــتعوبه

فــتح إلــها جــدار الــبيت رب الــبيت ....او لن دار الولاده اصـبحت منصوبه

كعبه ومهد صارت بامـر رب الــكون ....وعـله المهد صارت رحمه مـصبوبه

خــلق نــايـب حـبيبه وجـلله ابـترحيب ....وخلـّه الــكعبه داره اتـصير منسوبه

وانـطا مـن بــهائـا وإسمه بـين الــناس ....اوصــار اعله البشر من الله مندوبه

شــتظن من خــلق ربّــك عـلي الـكرار.... مــايـخلقله زوجـه اتـكون من ثـوبه

إســئل يا عـروس الإلــها رب الــكون.... قــدّس وحــترمـها ابـحاله مـحجوبه

والــوالــدها دز جــبريــل بــيده كـتاب.... والــهادي اســتلم مــن الله مــكتوبه

عــرف ســرالــقضيّه وبــان لــستبشار.... مـن صارت الزهرا ابألله مخطوبه

خــلقها الــباري مــن أقدس كمال البيه.... وكــللها ابــعصمته وعــزّة اسـلوبه

والــينخلق مـــــن الله ابــــصفاة الــنور.... لازم شــخص لايـگ يوگف ابّوبه

گـــوم انـــظرعـــلي وتــجليله عـند الله ....مــن كــل الــصفاة اتخطـّه بدروبه

وانــت اتـعرف حــيدر يـاســليم الراي.... مـــا لازم أبـــوح ابـمخزن اجيوبه

خلـّه الــدنيه عنـّه اتــسولف ابـإعـجاب.... مــن زوده وكـماله وساحة حروبه

يــستاهـل لـون يــخطبله رب الــــكون ....كــوكـــبت الـزمان اشماله وجنوبه

رغـــماً عالإنــوف الـما سـترها العيب ....اوطمعة بالگرابه اويالنبي وصوبه

تــزوّج عــلي الــزهرا الـنورمن النور ....والــــمحبوب الله اخــــتارمـحبوبه


بنظم محمدحسن علي العرادي

آخر تحديث ( الثلاثاء, 16 أكتوبر 2012 23:18 )
 

إحصائات

الأعضاء : 13379
المحتوى : 198
دليل المواقع : 1
عدد زيارات المحنوى : 798527

آلبوم الصور

فقط للشعراء

خريطة الموقع

هدف الموقع

السيرة الذاتية