« لم يحبني الشعر »
حـبّيت الــــشعر والـــشعر مـا حـــــبني او يـما مـن سبّـته اتـشتـّمت مـن هالناس
لأن بيه ما أجامـل وحچي عالـمكشوف مــــا أتـــملـّگ الأحّــــد ودنـّـــگ راس
ديـــدانـــي الــصراحـة ابلايه لف ودور لــو حــتـّى صـديقي وحبله ظل منحاس
أگــلله انـــته زالــف وعــدل الــعويــاك لاتــبگه ابــجدم شــعر الـحرب مــنداس
لــن مـنهج الـشاعـر هيچي كون ايصير يـبگه اعـله البطل متروس اله المتراس
واذا مـاشـه الصديق اعله الرذيله وفات او مــد چــف الإخـوّا وصافـح الخنـّاس
تـــيقـّن وعــــتقد مـــا تــبگه ذرّت ذات وعــمارالــبشر تـطوي ابـفشل وافـلاس
لــونـّي اعـله الزغيره اتساهلت ومشيت تــكبر ذلـّتي اشـــگد مــا گـلت لابــاس
وشــوف الــذلـّة بـــدّت والـحياء انـباگ والــوادم تــعيش ابـــعالــم الــوهــواس
عـالــفلـسين تـركـظ صـارت الأوبــاش او داســت عــالـعقيده ابـلافكر وحساس
مو أدري ابـعدوّي اشـمنهجه اوشـيريد تــعزف بــالــغدر دايــم إلـه الأجــراس
تــوضحتلي الحقيقه وشفت كلشي البيه مـامـن عـنده خـايـف وعرف الوسواس
خـوفـي امـن الصديق العاشريته اسنين وابـفد بـــيت بادلــته ابــوفـــه الأنـفاس
تــالــي ايــشيل رمــحه ابـأوّل الـهدّات وابـــميدان چـــتلي الــينتهض فــــرّاس
اشـترته اعـداي منّي وباع ابوالحسنين والــزهــرا وحـسن وحـسين والــعباس
يــالــبعت الــولايــه ابـلاشـرف ظليت مــــاخــــلـّيت ذرّه الـــسمعتك مـــقياس
تــلعب حــسب كـيفك بــايــع وشــرّاي شـــرّاي الــفضيحه وبــــايــع الـنوماس
مــا گـاصـد أنـصحك بـيها لـن گـبعيت يـصلحلك تـطگ الــكاس ويّــه الـكاس
وشــفاف الـتضوگ الكاس شنهواتصير مـن طـبع القذاره ايهيض منها اخياس
ظــل انـته ابـطريــقك مــثل مـاحـــبّيت ســاســك هــاذ مــا واحد يغير الساس
مَــرنــوم الـحماقــه عــليك شــيصحّيك والــنعسان ايفضحه اشما چذب لنعاس
ســيرانــته اويـاربعك وخـذ نوم اطويل يــا غــافــل زمـانــك يـا عـديـم الباس
وآنـه ابگه اوياربعي اوأفخر ابكل يوم وابــداً مـــا أبـــدّل تـــاج ويّـــه امداس