قم و الشام

قم و الشام

إرسال إلى صديق طباعة PDF

 

« قم و الشام »

یـبن الـشام فِــز والـتفت صوب ایران ** واخــذ ادروس عِزّه وغایه مفهمومه

أرید اتحدّه یومک وعکس اشما بیک ** وانــته الــبیک کــل الزینه مهضومه

إخـذ درس الجلاله امـن الذي ایحبّون ** والــعاشـگ الـیفدي النفس ما لومه

عـدکـم عـمّة الـساده اعتلت عالغیم ** ولـشام ابــضواهـا امشعشعه انجومه

وانــتو امـسلّحین اسـلاحکم کل یوم ** واشــچم غبي انسچّت بالسمه غیومه

نـیّتکم تــنزعـون الــشرف والــــجاه ** والــشام اعــله حـیله ایفرّع اهدومه

مـو مـصدر الـعفّه ابـگاعکم چا لیش ** مــا بــیکم مــعارض یــبدي ملزومه

زیـنب بـت عـلي وخـطّارکـم بالشام ** ولـکم عـیب ضــیفه ومَهي محشومه

توجــد عــمّه عــدنه وتسکن ابأیران ** حـشمتها اعـله راس الـکون مرسومه

دیــرة قــم تسلم اعـلیها کل مصباح ** واهــل الــشام تــحمل غایه میشومه

والأثــنین مــرجــعهن عــلي الــکرار ** والــکرار واضــح بــالــحشر یــــومه

زیـنب سـجّلت تـاریـخها الـکل جیل ** والــتاریــخ مـنها امـنسّق اعـــــلومه

کافي علیک تحذف سبي ودرب الشام ** مــطشوشک بــعد مـایــفید ملمومه

اتعلّم گـوم قـانـون الـضیافه وشـوف ** بت موسی ابن جعفر وخــذ معلومه

مــن حـَـلّت ولادتــها انــتفض ایـران ** هــوّس بــالــسعاده وغـادر اهمومه

او ظـل ابـکل مـودّه ایـصیح یا حیّاچ ** یــخت الــرضا اویــافاطمه المعصومه

وانتــه ابــکل دقیقه اتـخاطب الحوراء ** مــن الــشّام کــون اتــصیر مزمومه

وابــکل یـوم طالــعلي ابحزب مجهول ** وابــأشــکال قــذره وغـایه میشومه

تــحومـون اعـله زینب بت علي الکرار ** نــیّتکم الـــگبّه اتـــصیر مــهدومه

دســتو اعـله الـذمم والشرف یالإرهاب ** مــا دام ابــحرام الـــنطف ملمومه

ما یــنفع کــلامـي وضـایــعه الچلمات ** مــثل المــثل ذاکــه ابـقول مفهومه

یــبقی افــلان مـایهزّه الحچي اشماصار ** والــعگرب نــشعته ایفرّغ اسمومه

تمّت 30 شوّال عام 1435 هـ . ق

بنظم محمّدحسن العرادي

 

إحصائات

الأعضاء : 13379
المحتوى : 198
دليل المواقع : 1
عدد زيارات المحنوى : 798523

آلبوم الصور

فقط للشعراء

خريطة الموقع

هدف الموقع

السيرة الذاتية