یبن اسعود

یبن اسعود

إرسال إلى صديق طباعة PDF

« یبن اسعود »

یــاتــبریــر مُقـنع یــسد حـلگ الـناس ** لــوصــار الـمناشـد وصبـحت منشود

سَــجّلها الــزمـان ابـصفحة الـتاریـــخ ** چتّـفت ابــرها وفـرعــون والـــنمرود

قتل العمدي واضح والچذب مرفوض **دنیه الکامـرات اعـله الـقضیّه اشـهود

مـن طـاح العَـمد حیتک هوا وطوفان ** چــالـــیش العَـمد تــایــه ولا مـــشدود

والـنکبه الــچبیره الــــهزّت الإســلام ** یــا شـــارع یـــصیر ابـلا أمر مسدود

خلّیت الضحایه امطرّحه اعـله الگاع ** غــیر الــصار بــجدام السحگ ممرود

او من بعد الـخنگ والـسحگ والألام ** کــرّافــه التــلم الـــجثث یــبن اســعود

لاعــندک شـرف لادیــن لا إحــساس ** حتّی اعـله الـجنایـزچن صرت مهدود

وتــلگّتها حــرگ الــخیم عـین ابـعین ** وجــرامـک تَـبع لـیله اعله لیله اتـزود

بـالخـفیه چنت تـذبـح بــلیّه حــــساب ** لـن دین اللي عندک منشئه امن ایـهود

عالـمکشوف هـسّه وتــهد عالـحجاج ** یامن کـون مـن عـندک تــطیح ازنــود

مـعروفـه الـعرب بــضیافــة الـخطّار ** ویـن اهیه العروبه الحچت بیها الـغود

یــا أوّل عــــمیل الــدنّـــس الإســـلام ** او مــا خــلّه أثــر للــقیم یـبني احـدود

دسـت اعـله الـذمـم والـدین والأخلاق ** وبــنیران حــقدک لــــسّعیت اچــــبود

اتـقـنّع یـا عــقل یــا دولـه یـا أطـــفال ** تـدري اشـگد اُسـرلبـست ثیاب السود

مو حتّی الصوغ تسئل عـلی الـحجّاج ** لــیش التــرس هالــجنطه بـعد مایعود

وبــیا وجــه تـوصـل هـالصوَغ للبیت ** یــا إیــد التـوزّع صــوغــة الــمفگود

یـــبن اســعود فــعلک ألّــم الــــــسلام ** وچــفوف الــحزن لطمة چثیره خدود

یـبن اســعود غـیّرت الــمناسـک لیش ** وبـشرع الله صحت ابلا خجل فرهود

یبن اسعود ذب اعگالک امـن الـراس **لبّــاس الـعگل عنـد الـعرب صــیهود

یبن اسـعود زیّـک زي عـرب ینشاف ** لاچـنّک امـــچیّل عـالـعرب بـــارود

مچمن للــرذیـله ومـصنع الإرهـــــاب ** ونــشدّت ابــچفّک للــجریــمه اقـیود

چـم بـیت انّکب چـم دولـه تـلعن بیک ** لازم کـون مـن مـکّه تـظل مــطرود

دیـره الـذي انـعرفـت مَهبط الأمـلاک ** بــوّابـة وحي اعله النبي امن المعبود

مـولایـق تــصیر ابـإیــد أنـجس نــاس ** ودنّـس أرضــها وتــذب بـیها اجنود

طـال الـوعـد یـالمهدي وتـعبنه اهواي ** عجّل بـالـظهور ارجـوک یالموعـود

تمّت 7 ذلحجّه عام 1436 هـ .ق

بنظم محمدحسن علي ألعرادي

 

إحصائات

الأعضاء : 13379
المحتوى : 198
دليل المواقع : 1
عدد زيارات المحنوى : 798525

آلبوم الصور

فقط للشعراء

خريطة الموقع

هدف الموقع

السيرة الذاتية