« سهم الحاسد »
انـسد بـاب الـسعِد وانــفتح بـاب الـــريــح والـهالــريــح چـم چـف بـالـفرح صـفـّگ
اوبـاتـت روح راعـي الــقيم بـالــتعذيـــب وعـــليها الألــم مـــن كــل طــرف دفـّگ
بـچيتلها وهـمل دمـــع الــحريـمه وســال مـن جــفني وبــعد مــا واحــــد اتــــشفـّگ
اومن هالــمشهد الـهاجـم اغــلاط الــناس هــالأزمــط ابــيومــه اويــاهـــم اتـرفـّگ
گـطع حـبل الـمودّه وربـط حـبل الـغيض وابـــداً طـــير عـــطفه اعــليّه مـاخــفـّگ
وعـلي سلـّح اســلاحـه ونـسالـي الـطيب وشــما شــاهــديــته ابــوجـــهي امــتفـّگ
گلت خل أنـهي هـالـعالـم عـن المعروف وللــمنكرائــمرها ابــفد حــچي امــــلفـّگ
وزيــد الـعويـه عـويـه وكـل عدل أعويه وخــلـّي اجـــدامي بــنگر الــجهل تخفگ
واقـــض الـــنظرعــــن الـــقيم والآداب واتــــباهــــا أظـــــــل بـــــكلاوي لــــمزّگ
رضـاة الــناس غــايـه وتـندرك هـيهات چــا بــالــكت تــحبني وعـــدهــم اتـوفـّگ
واذا مـاثـمّر اخــبالـي وخـــسرت الــدور والــباطــل فــرك بـالـگاع خــشم الـحگ
ذاك الــــوكــت اوگــف وگــفة الــــيزّال واهــوّس هـوسـتي وأحچيها طگ ابطگ
يـالــحاســد ابــسهمك صوّبـت بـالــطگ او بــاب الــمنفتح مــن ســهمك اتـــغلـّگ
وابـخـنجرك ســـترالــمعرفـــه اتـشگگ ((( والــشامــت ظـــل يــزگــح بــيها )))