عالجدم مشايه

صوت الحق عالي

إرسال إلى صديق طباعة PDF

(( صوت الحق عالي ))

تـتـــجلّا الـــهمّه ابــــكل فــــارس ** لـــــوبــالــطگ صـــبّح مايبالي

او تـــتباهــــا الــعالـــم بالـــواعـي ** اوتــــتفداه دايـــــم بـــالـــغالــي

مــفهوم اتـــعلمته امـــن الـــــصح ** والـــــصح الــــبيه دَر مـــنوالي

يــعكس تــاريــخ اهـــل الــــمنطق ** والـــمنطق للـــيفهم حـــــالـــــي

اتـــحدّىٰ الـــدنـــيه ابــــهالــــمنطق ** وآنــــه ارســـل گاصد مرسالي

مـــادام احـــسين ابـــــن الـــزهــرا ** حــــرّكني ابـــــمفهوم اقـــوالي

اتـــبرهَــن عــزمي ابعزمه الشامخ ** مـــاهــم لـــو تــــحقد عـــذّالــي

مــــدرســــة الـــطف نيشان الحگ ** والــحگ ظـــل مضرب لمثالي

بـــيه أضـرب واحچي ابكل مجلس ** وابــــــــعِز تتــــــقق آمــــالـــي

تــلميذ الـــطف وافــــخر بالـــطف ** مـــادامــــن لـــحسين ابّـــــالــي

يـــــتّرجــــم إســـــمي ابـــعنوانــه ** عــشت اضـلاله او حبّه اضلالي

الـــمايــعرفــني خـــل يـــعرفـــني ** هـــاذ آنــــــه الــــخادم للــــتالـي

قـــوّة عـــزمـــي ابـــوجــه الــذلّـه ** ابـــهيهاتــــه او أتــباهـــا ابحالي

أحــيىٰ الــدنــيه ابـــــهاي الـــچلمه ** والـــهالـــچلمه الــمدمـع هـالــي

قـــدّم دمّــه الإثـــــبات الـــــــحگ ** حــــقق كــــلشي او ما رد خالي

للــــعالــــم فــــهّم بــــــدروســــــه  ** تــــعرفــني امــن الــدم أجيالي

والـــدم ســــابــق ســيف الـــباطل ** مــادام الــحگ مــنّه ايــــلالـــي

حـسين الحگ والحگ مــانعوفــه ** (اوصوت الحگ ظل دايم عالي)


تمّت ١٢ محرّم الحرام عام ١٤٣٦ هـ . ق

بقلم محمدحسن علي العرادي

 

آخر تحديث ( الخميس, 15 أكتوبر 2015 00:34 )
 
إرسال إلى صديق طباعة

جينه زوّار ----- يبو الأحرار

جينه لك مشـّايه ----- جينه لك مشـّايه

** ** **

عـن درايـه وعـن عـقيده ---- وعـن مـحبّه وعـن يــقين

صـرنــا نــتحدّا المتاعب ---- والــموانــع مـــن ســـنين

وعـله جـــدم الـماتـبالــي ---- جــينا صــوبـــك مـعتنين

نــهتف ابــحبّك نــريــدك ---- مــانــعوفــك يــا حــسين

رقم الاخطار---- يبو الأحرار

جينه لك مشـّايه ---- جينه لك مشـّايه

** ** **

ازيـــارتـــك يا بوالأيـمّه ---- بــــــيها تـتـقيّم صــــفات

هــم ســعاده وهـم مفاخر---- بـــا قــــيات الــصالـــحات

كــل تــعب ربـنا يـسجله ---- ويــعرضـا ابـيوم الممات

ومــن دمـوع اللي نـهلها ---- يـــمحي كـــل الـــــسيّآت

ربنا غـفـّار ---- يبو الأحرار

جينه لك مشـّايه ---- جينه لك مشـّايه

** ** **

هــايـــه مــنيتنا الوحـيده ---- وهــايـــه آمـــال الگلوب

انرافج الگصدت جـنابك ---- عـالـجدم تطوي الدروب

وشـكبرهــاي الــــسعاده ---- زيــارتـك تـمحي الذنوب

ياشــمس هــاي الـسعاده ---- الــمايداهــمها الـــغروب

تسطع انوار ---- يبو الأحرار

جينه لك مشـّايه ---- جينه لك مشـّايه

** ** **

عـــن حــقيقـتـنا نـــفسـّر---- جينا يـم صـرحك نصيح

يا صـرح رب الـــجلاله ---- الـباقــي عالي و مايطيح

إحـنا شـيعه و نبگه شيعه ---- إلنا بـس نــهجك صحيح

اشـما تگص بينه المآسي ---- لازم انـطوف الــضريـح

هذا إصرار ---- يبو الأحرار

جينه لك مشـّايه ---- جينه لك مشـّايه

** ** **

عـاصــمة حـبّك شـرفـنا ---- ونــته ســلطان الــوجــود

گبـّتك عــرش الــجلالـه ---- بــيها تـتوافـــه الــوعـــود

والــملائـك يـاخـوزيـنب ---- تـوگـف اوّل بـــالــــشهود

حضرتـك چـف الـعطيّه ---- لـيّي خـــايـــب مــايـــعود

ابحبّك اسرار ---- يبو الأحرار

جينه لك مشـّايه ---- جينه لك مشـّايه

** ** **

شـما قلا دمـوع الـنواظر---- يــرخــص الـحبّك أكــيد

منهورخـّص دمّـه مــثلك ---- ســاوم ابــگطع الـوريـد

إنــته قــيمتـنا حـــفظــتها ---- وشـيّختنا عـــله الـــعبيد

وبــسجل نــهج اليخدمـك ---- سـجّلت أشــرف رصـيد

بصحوة افكار ---- يبو الأحرار

جينه لك مشـّايه ---- جينه لك مشـّايه

** ** **

انــجدد الـــبيعه عـــتنينه ---- يـم حـضرتــك يــالحبيب

مانــعوفــك مــانـــعوفـك ---- يـالچنت بالـطف غـريب

فـــدوا لــدمـومـك دمـانـه ---- يالصرت بالـدم خـضيب

شــما نـــقدم مــانـوافـــي ---- امــن الـطفولـه للـمشيب

عفنه لديار ---- يبو الأحرار

جينه لك مشـّايه ---- جينه لك مشـّايه

** ** **

تمت 12 صفر عام 1431 هـ .ق

بنظم محمدحسن علي العرادي

العراق بين البصرة والنجف الأشرف

 

 

إحصائات

الأعضاء : 13379
المحتوى : 198
دليل المواقع : 1
عدد زيارات المحنوى : 798529

آلبوم الصور

فقط للشعراء

خريطة الموقع

هدف الموقع

السيرة الذاتية