بطل الكوفه

إرسال إلى صديق طباعة PDF

رخــص دمــّه          لــبن عــــمّه

هـــدف يرسم          طـــلع مـــسلم

*    *     *

تـخيّل عـــشمته وكـل الـملا اتــشوفه     اوسحگ درب المنيّه وجابل احتوفه

طـلع طلـــعت أسـد متعنـّي للــكوفه      يـنفـّذ بـالــوصيّه ويــبدي مـــعروفه

ابأعـز فرصه          خذه الرصخه

بــدى امـعزّم          طـــلع مـــسلم

*    *     *

ابــأمرمــن الــسبط مــسلم تـــعنـّاهـا     اراضــي الــكوفـه والــتمنع تــحدّاها

اومن اتلاگه اوياهلها وسولف اوياها     او عـهود الــبيعه من اكثرهم اخذاها

لـــچن تـــالي          بـــــلاوالـــــي

بــگا ايـحشـّم          طـــلع مـــسلم

*    *     *

اركعت للباطل الگصدت عليه حفـّت     او مثل مـا بــايعت باوّل جـدم خلفت

او للــعهود الــنطتها ابوحده ما وفـّت     او عـلى طـابـع حـقيقة حاقد انكشفت

يــــناديـــــها          انـــخذل بـيها

قــسم يـقسم          طـــلع مـــسلم

*    *     *

يــصيح وچــلمته مـا منـّه مــسموعه     او بگت كل الدروب ابوجها ممنوعه

وحيد ابغربته وظل حــاني اضـلوعه     صدگ بس حيّته وضيفت اله طوعه

مــره وفــازت          فــخر حــازت

اقـــترح يهجم          طـــلع مـــسلم

*    *     *

عـــرفــها الـشرده مو منسوبه للزلمه     غضب وازورجبينه وشاهدت عزمه

طلع من طوعه يشكرها على الخدمه     لـزم سـيفه وهجم غاضب فرد هجمه

اشما بيها ايهد          يــظل يــحصد

يــطش ويــــلم          طـــلع مـــسلم

 

 

إحصائات

الأعضاء : 13379
المحتوى : 198
دليل المواقع : 1
عدد زيارات المحنوى : 798523

آلبوم الصور

فقط للشعراء

خريطة الموقع

هدف الموقع

السيرة الذاتية