مبداء حياتك

إرسال إلى صديق طباعة

مــــبدأ حــــياتك          ابــديته ابمماتك

واصبح رصــيدك           مـن دم وريــدك

*     *     *

عــادت اطــفال الـرضيعه مــن بــعد مـاتــنولــــد     اعله الحضن واعله الرضاعه ونغمة الحب تعتمد

او مـن مـهد راحــه ومـعزّه امن اللي ربّت تستمد     لاچـن انــته امـن الـبدايــه اذبــلت ذبــلات الـورد

شــفت الأذيّــه          مــن آل امـــيّه

خــالد نـشيدك          من دم وريـدك

*     *     *

يارضــيع الــغاضــريّــه مــوقــفك مـوقـف إسود     خــلـّه إســمك يــبگه خــالــد والــفخر دايــم يـزود

لنـّك افــديــت ابــحياتــك وادخـلت سـوح الـخلود     نــاصــرت لــبن الـــزچــيّه اوّاجـــهة ذيـج الجنود

امــنوّل ســنينك          أثــبت يـــقينك

اتــكمّل وعـيدك          من دم وريـدك

*     *     *

یا رضیع اللی تــقدّم شــال چــفـّه ابـضد يـزيـد    وابــإســم چــبدك تــلهّف قــدّمــت ذاك الــــوريـــد

شــامــخ ادخــلت الـمعاره اوّاجــهة طـعن الحديد     واعــله إيــد ابــن الــزچــيّه اتـسجّلت أعـظم شهيد

مــنهج رجـوله          ابـسن الطفوله

ســجّلته بــيدك          من دم وريـدك

*     *     *

يــاطــفل گــبلك فــعلها امـگمّط ابــسوح الأجــل     للـسبط ضــحّه ابــحياتــه وحــقق ابــهايــه الأمـل

ســجّلة مــوقــف مثالـي اوعــرّفـك دهرك بطل     مـابــخلت ابــدم وريــدك والــهدف بــالــدم كــمل

دمّــك شــهدلـك          كـمّلته فــضلك

تــشبه عضيدك          من دم وريـدك

*     *     *

نــهضتك عــمّك فــعلها امــنوّل اســنين الـعمر     مــن بـدت أوّل خــيانــه اودفـعوا الــــباب ابـــغدر

ضــحّه مــحسن روحــه لمّه والضلع ظل منكسر     شــابــهــيته ابهالمصيـبه وجــابــلت ذيــچ الـكفر

ابــسوح الــمنيّه          صرت الضحيّه

الـهيبة عـــميدك          من دم وريـدك

*     *     *

ذكــريـاتــك ســرحــياتـك والـدهــرعنـّك شهد     عــفت يــاعــبدالله نــومـك واتــركــت ذاك  الــمهد

حتـّى بالـمذبــح تـوفـّي وتــعمل ابــسرالـعهد     وابــسجل ذيــچ الـضحايــه يـــبگه إسـمك لــلأبـد

سهم اللي صابك          يــضمن ثوابك

شــانك يـــزيـدك          من دم وريـدك

 

 

 

إحصائات

الأعضاء : 13379
المحتوى : 198
دليل المواقع : 1
عدد زيارات المحنوى : 798529

آلبوم الصور

فقط للشعراء

خريطة الموقع

هدف الموقع

السيرة الذاتية