المسامح كريم

إرسال إلى صديق طباعة PDF

قصيدة للخطيب والشاعر الحاج علي العرادي

« المسامح كريم »

دلا ّنــــي الــــعقل بـــــخلاق بـــيها اخــــذيـــت لـيل انهار

وهــيه اخــلاق طــه احــــمد نـــبينا، وحـــــيدر الـــــكرار

عــن الـصّحبه اوشــرايــطها الــثمنها عـــالـــي بالــــمقدار

اوگـلت هـذ الـحچي اودسـمع يــالــــعندك صــفت لـــــفكار

الــيصاحــبني فــــرد مـــــدّه اوكــليت اويـــاه بـــارد حـار

أظـل اويــاه وفــي ابـــعمري اومـنـّه احـــفظ الــــتذكـــــار

تــذكــار الــمحاســـن بـــــس واصــرّه دايـــــم ابـــمصرار

جــواهـــر واحــــتفظ بـــيهن اوعــنهن أعــــلن الأخـــــبار

اواذا الـصاحـب غـلط ويّــاي عـــنـّه اخــــــتلق أعـــــــذار

أگــول الــحگ اظـــن ويّـــاه اوعـــيبه اعليه أحـط اســـتار

عــــلـّمني الـــنّبي ابــــــــهذا اوعـــلـّمني عـــلي الــــكرار

وحــشي اللـي چــتل حــمزه عــمّ الـــمصطفى الـــــمختار

وعـلى عــمّه الــنـّبي گــــلبه بـــيه دمّـــه أظـــنـّن فـــــــار

لاچـــن وحـــشي مــن أسـلم اوچــان اوّل مـــن الـــــكفـّار

امن اجـالـه واعـتذرله اوتاب اولـــنـّه رحـــــمة الــــــجبّار

يگلـّه امسامـح وبـــس روح عــن وجهي الأقـصى اديــار

هــذي اخــلاق ابــوالــزهـرا الــــمامـثله شـــبيه الـــــصّار

اوعلي اخلاقه اولـطف ذاتــه الــــبيها الــمجــتمع يـــــحتار

لــون مــامــات مــن ضـربـه الــوصفه أخـــبث الأشــــرار

عنـّه چــان عــــف حــــــيدر اوعــليه مــاچــان سـلّ بـتـّار

ابــمثل هــذي الــسجايـه احنا يــفوز الــمنـّا كــضها اوسار

اولــچنّه ادنـــات حــيّه احــنا ابــمحبتـنا تـــــــشب الـــــنّار

اوننسى الـماضـي والـزيـنات شــنهو ازغــارشــنهو اكــبار

آنــــا هــــــــذي ارفــــــضها وگـــل الـــغاب والــــحضـّار

الــيزعـل منـّي خــل يــزعـل وصفه اهــوا مــن الأحـــرار

مــهو عـــــبدي ولامــــملوك ولاعـــندي عـــــليه إجــــبار

آنـــه اعــــليه مـــــا أزعــــل بــس اســئل مـــــن الـــغفـّار

يـــغفرلــــه اويتــــغفرلــــــي وهــــوا الــــــقادرالـــــــقهّار

لأن الـــيعفو عــــــن واحــــد نــبينا مــــنبع الأســـــــــرار

گــال الــــباري يــــغفرلـــــه ذنـــوبه اولـــوعـــدد لــحجار

واحــنا اذنــــوبـــنا اچــــثيره أكــــثر مـــــن زبـَـد لـــبحار

اوهـــذ الــــبيه آنــــا اطـــمع واگــولــن چـــلمتي ابـإجـهار

وصـلـّي اعــله الـنـّبي وآلـــه الــصّفوه الــسّادة الأطـــــهار

 

 

إحصائات

الأعضاء : 13379
المحتوى : 198
دليل المواقع : 1
عدد زيارات المحنوى : 798523

آلبوم الصور

فقط للشعراء

خريطة الموقع

هدف الموقع

السيرة الذاتية