« اكبرمناضل »
إبن حیدرعـلي هذا ابوفاضل شهد عنـّه الزمن أکبرمناضل
صـفاته امسجّلات إله ابشاطي الفرات
* * *
إخـذ مـنـّي الــبشاره الـزمـن نال افتخاره
بـبوفـاضـل ابـوالـغیره بـبن حــمّاي جــــاره
رسـم صفحة کماله عــله اوراق البساله
مـن ابـدایـة شـهر عــمره عـلن عـن اقـتداره
ظــل زمـانه مکتفي بــسمه لـن أکبروفي
وفه ابحد الوفه زین الـشمایل فـلا مــــثله انولد بین القبایل
تـلوح الــمکرماة إله ابشاطي الفرات
* * *
مـن اسـنین الــولاده إلـه اتـلوح الـسیاده
لائـن مـن مهده بولغیره یـناغـونـه ابـجهاده
تـهز کـاروکه زینب واهـوالویّاها یلعب
والـحسین اعـتنا وسـلـّم الـه ازمـام الــقیاده
لنـّه دارس مـوقفه من صغربسمه اکتفه
إله لـن مـن صغر تـثبت دلایــل من اضراعه الصبح لعضیده شایل
نـمة أحلا الصفاة إله ابشاطي الفرات
* * *
سـحر دنیه الوسیعه بـطل ذیـچ الشریعه
سـلاطـین الـدهـر کـلها أظـن حـگها تطیعه
حـکم کـل الضمایر عــلانــیِّه وسـرایـر
کـفر والأرمـن وسـنـّه مـسیحیّه اویـاشـیعه
لـن سـریعه شارته مــایــخیب النادته
انـعرف حلال إســمه للــمشاکل انــفتح باب الفرج عنوانه للکل
حـکم کــل الحیاة إله ابشاطي الفرات
* * *
عــناویـن الـرجوله إلـه ابـسوح البطوله
عـجایـب لـنـّه دارســها مـن اسنین الطفوله
أخـذ أکـبرعـلامــه ابـخوالــه وابــعمامه
کـلابـي وهـاشـمي أصـله نسب لازم نگوله
والــمربّي حـــیدرا ربّــه ســبع الگنطرا
أجل واجمل صفه من عنده نایل یعیل اعله الذي کل وکته عایل
رسـم هالــموهبات إله ابشاطي الفرات
ثـبت بالـعِز مـصیره نــفسّر یـومـه حـیره
لائن دگ ثـایـة اعـزومـه عـله الدنیه الچبیره
خــلوده لــسّه بـاقـي لِــحد یــوم الـــتلاقـي
وبگت روح الوحي ابحبّه مدی العیشه أسیره
عنده نهضه بالطفوف من گحم ذیچ الإلوف
لسان اهـل الـفخرظل عنـّه گایل للـرچـاب الـدما ظل بیده سایل
اشهدة کــل الطغات إله ابشاطي الفرات
* * *
بـــسالــه حــــیدریّه بــراضـي الغاضریّه
عکسها امن آمره اعضیده عله اجیوش آل امیّه
عـجایـب یا عجایب وکـت هــد عـالکتایب
نــفخ صـورالأجــل بــیها دنت منها المنیّه
من حمل ذاک البطل حــملته حـملة أجل
والگدرت منـّه تشرد بالقلایل رجع وابجوده یفخر بیده شایل
ایتلطلط تـضحیات إله ابشاطي الفرات
******************************************