«قصيدة للشاعروالرادود ملا منصورالعرادي»
إذا سـكتت لـِسن تـحچي مـدامـعنه وتـگول
تـزول الــدنـيا يالـزهرا ومـصابچ مـايـزول
هديتي الهالبرايه يـمشكاة الـهدايه
مصابچ مايزول
* * *
كـل الـــمصايـب تــبـتدي بــمصـيبتچ يـــالــــبضعه
وكون الله من اجلچ حزن وانـحس تــغيّر وضــــعه
حتـّى الـطبيعه ابــحالــتچ مــتأثـــــره ومــــنفجـــعه
كـل صـامت اينوح ويون والـجامــد ايـــهل دمـــعه
مصيبة ضلعچ انرسمت عله اعيون النجوم
وبـدت تـعكس ضـياء احمر من آثار الدموم
وضوح ابلاخفايه يـمشكاة الـهدايه
مصابچ مايزول
* * *
خـالــد مــصابــچ لــلابد بــاقــيه اتـــظلّ الأثــار
انـديـر الـوجه اي ناحيه انشوف الضلع والبسمار
ماتـنشف ادمـوم الضلع تجري ابعروگ الأشجار
ولـوغـصن شفناه انكسر مـــنّه تـــهيم الأفـــــكار
فتحنه مصحف الباري اشنشاهد واشنشوف
نــشاهد سـورة الـكوثـر تـصب دمّ الـحروف
ابحزن چم آيه وآيه يـمشكاة الـهدايه
مصابچ مايزول
* * *
عين الشمس مـنها صفت دنــيانــــه هــــالــــمتنوره
واهيا الخذت ضيها اليشع مــن غــرّتـچ يـالــزهــره
ولمّن تصف سود السّحب والــشمس تــصبح حمره
تــذكـر الـطاغـي ويــمنته ونــذكـر مصاب السطره
بـچالــچ عـالـم الـعلوي وارضـنه اتكدّرت
دمـع لـودم عــليچ اتـهل عـــيون اتحيّرت
ابسطرعين الولاه يـمشكاة الـهدايه
مصابچ مايزول
* * *
ابجوّ الرّبيع النه اظــهرت شــجره وعـــليها الأغصان
تـحمل ورود الــــزّاهــــيه ولــن عصف ريح الطّغيان
وردة الــبيضه اتــناثـــرت وابـــدم تــبدلــت لالـــتوان
وتعاله صوت امن الـعرش مــحسن سـگط عـالـتربان
سگط محسن مثل مهوا الورد ويّه الورگ
الــورد ينشم لچن محسن بالآقدام انسحگ
تـولـتـّه المنايه يـمشكاة الـهدايه
مصابچ مايزول
* * *
ابــليلة حــزن شـفنه البدر مــنخسف وجـها ومالـوم
واربـع نـجوم اتــحاوطـه والـفاجـعه اعــليها اتـحوم
وامـن الـبـدر مـاظـل أثر ســرّ اخــــتفاءه مـــــكتوم
ذكــريـــنه لـــيلة دفـــنتچ وي گـبرچ الـــــمامـــعلوم
دفــن جــسمچ عــلي ونفـّذ وصيتچ بالتّمام
وحزن دفنچ يظل سرمد رغم وجـه الضلام
بـدايـه ابـلانهايه يـمشكاة الـهدايه
مصابچ مايزول
* * *
الــيـنفي مـصابـچ ناصبي ومــا نــهتم اشــما نـافـين
لاچــن الـمن عـدنـه نــفه امــصيبتچ يــم الـــحسنين
الينفي حَدَث كسر الضلع مــنفي وجــوده امن الدين
لن الحَدَث أحــيا الـشرع وخـل ينعَگ اغراب البين
لــون جـنّ وإنـس رادّوا نـفي هذا المصاب
عطاشه وتاهوا ابصحرا ويحاوطهم سراب
رغُم كل النفايه يـمشكاة الـهدايه
مصابچ مايزول
* * *
تمت 14 جمادي الاولى سنة 1430