جـينالك يحسين انصار ننعاك ابصوت الأعبار
يحسين يحسين يحسين يحسين
* * *
زمانـك چم سـنه وماچـِنـّه بـزمـانـك وكـت مـن حــاوطتـّك زمــرة امـيّه
لـچن تـاريـخك ايـجدد حـدث يــومـه مـن اسـتشهادك الـحدهـسّه يــومـيّه
واجـينا احـنا ابإطار امصيبتك نرسم صـحيفة حــب مــوالـي مـيّه بـالميّه
او نــوسّــم بـالـّطم أجـسام الـك جـينا اونخلـّي اعيون الك بالدمعه مـعميّه
عـشـّاگك يـابـولاأحرار ننعاك ابصوت الأعبار
يحسين يحسين يحسين يحسين
* * *
يـالـحسين احـنا حتـّى الـمابـلغ عمره من المرضع صبح لمصيبتك دارس
إجـاك ابـماتـمك ويـهل دمــع عـــينه اوحضر ويّه التنوحك يالسبط جالس
يـريـد ابـدفـترك بــس إسـمه يـتسجّل ولايـظل مـن وســام امـحبّتك فـالس
يـعونـه الـسجّلت إســمه يــبوالــــيمّه مـعاجــون وبـريـرومــسلم وعـابس
فاز المن أنصارك صار ننعاك ابصوت الأعبار
يحسين يحسين يحسين يحسين
* * *
إلك صرخة عهد من جوا ضمايـرنـا تــحثها يـالــغريــب احـچايــة الـذمّه
نـصيح ابـماتـمك يــالـقدّمــت نــفسك دســجلنا مـن انــصارك يــبو الـيمّه
إلـك فــدوا الــنفوس انـــقدّم ابــــحبّك يــريحانــة رسـول الله الـنبي ودمّـه
تـنوحـك دنـيـتك ظـلـّت يـبو اســكيـنه والك ظل چم گلب ماجف بـحرهمّه
مـرتـسمه ابـيومك آثار ننعاك ابصوت الأعبار
يحسين يحسين يحسين يحسين
* * *
ضحايه امطرّحه اعله الغبرا ظلـّتلك تـغسلت بـالـطفوف ابـجاري المنحر
اوبـگت مـطرد للـخيول ابـحوافـرهـا وحـيد انـته وشـفت بـعيونك المنظر
تـدور ابـغربــتك عــينك بـــلا نـاصر اودليلك من كثر حـر الضما اتفطـّر
إلـك شـيعه تـنوح امــصيبتك وتـــون تــهل دمــع الـرزيّـه ابهم يبو الأكبر
ماتـنشف دمـعة لـنظار ننعاك ابصوت الأعبار
يحسين يحسين يحسين يحسين
* * *
سـعادت خـدمـتك مـحّد عـرف گـدها ولاواحــد يـــقارن إلـــهـا بـــحچايــه
خـدمـتك يـالـغريــب ابـناطـق الـواقع شـرف كـل الــبريّـه وبــالـحسِن آيــه
يـهل رايـــد يـحصّل مـفخره وعـــزّه يـخلـّي اجـدام الـك بـالـنهضه مشـّايه
اويـقدّم تـضحيات الـخدمــه مـن نفسه ولاايخالف حرف عن خطـّك ابـرايه
خطـّك يجمع نورو نـار ننعاك ابصوت الأعبار
يحسين يحسين يحسين يحسين
* * *
اليضحّي ابخط مـحبتك نفسه يالغالي ربـح كـل الـربـح وايـــجاوراجـوارك
طمعنه احنا ابمحبتك والنفس صاحت إلك شـيعه ونـريـد ابـصوره نتشارك
ابنهضتك يارهين الحيره والمصرع نـصيح ابـصرخــة الهمّه ابهوا افكارك
تقبّل هـالــهدف والــصرخـه يــمشيّم دخلـّينه نــصير ابــمصحف انـصارك
نـفديك ابـهاي الأعمار ننعاك ابصوت الأعبار
يحسين يحسين يحسين يحسين