حلم غبشة

إرسال إلى صديق طباعة PDF

«حلم غبشه»


چنی طول ابطول نتمشه اعلی شطنه الأید بید
حلم غبشه وموبعید
--------------------
انــت ریــحة نـــخل حــینه اللـفلفه غبار الزمان
أنــتِ حنیّة أهــلنا الــسامــحت عـــثر اللــــسان
انـتِ عــین الــما تـغیّض بــیها بس الشوگ بان
أنـتِ سـمرة وکــل ســمارچ ندري معناه الحنان
وانتِ ثوب امنه العجوزة المعرفت نص الردان
أنــتِ دلــــه وســــیف وعـــــگال وعـــــــــجید
چنی طول ابطول نتمشه اعلی شطنه الأید بید
حلم غبشه وموبعید
--------------------
انتِ أخــت ذاک ایـحّسب دوم جاراته الخوات
أنــتِ زود الــــبیه وبـــجاله خـــواتـه امأمنات
أنتِ عصابة اعلی شیله وبـویمه وهوسة بنات
أنتِ نـــشمیة الــتنـّخت هـــلهلت بالـمعضلات
أنتِ دمـــعة فــرح لالـت عـلی خـدود المهات
أنتِ شـــهگة هــله اولیدي الاگت الردمن بعید
چنی طول ابطول نتمشه اعلی شطنه الأید بید
حلم غبشه وموبعید
------------------------
أنتِ تـــذکار مــن أهلنا وأنتِ گعدات المضیف
أنت ِدمعات الغریب البات لیله اعلی الرصیف
أنتِ نسمات العذیبي الـــهبّت بــمسوم خــریف
أنتِ هلهوله بــسلفنا الــفززت حــلمي اللـطیف
أنتِ خــوة بــمالـة الله وأنــتِ عــفة کـل عفیف
آنه اشــوفــچ أنتِ وردة الــبالحسن نوعچ فرید
چنی طول ابطول نتمشه اعلی شطنه الأید بید
حلم غبشه وموبعید
-----------------------------
أنــتِ اُمــنیة الـــجمیلة مـدثرة بماضی السنین
أنتِ حــسنچ کــل جــمالـچ ینحسب دُر الثمین
أنتِ شَعره من الــجدایـل ناگعة بعرگ الجبین
أنتِ گلب الأم لــبنها الـیمطر أشـواگ وحـنین
أنــتِ شَذرة مــحبس الـعِز لایگه بچف الیمین
أنتِ والله گــلادة حـلوة الـبالمشي تلاعب الجید
چنی طول ابطول نتمشه اعلی شطنه الأید بید
حلم غبشه وموبعید
-----------------------------
أنتِ مـن دنــیا الـمحاسن حـاویـةعیون الغزال
أنتِ بــعیون الــطبیعة انــمثلچ نــسمة شـــمال
أنتچف دافــي اللــمسة وأنــتِ لـضماي الزلال
أنتِ سچة ودرب صافي شلون اعـوفـنچ محال
أنتِ موجة شط صفنتي اللاعبت جُرف الخیال
أنتِ عــین الــدنیا عـــینچ بــیها الگه شما أرید
چنی طول ابطول نتمشه اعلی شطنه الأید بید
حلم غبشه وموبعید
-----------------------------
أنتِ حنطة وملح گاعي وسنبله وگطرات دیم
أنــتِ چـف فـلاح نشمي البیه أثر تعب القدیم
أنتِ فطرة البالــنوایـة تـعشعش بـگلب السلیم
أنتِ سالــوفــة حــبایــب یــاورت شــفة ندیم
أنتِ گــربچ فــرح زفــة وبُــعدچ نسمیه ظیم
أنتِ یــا صفنة الطویلة مطرزة بمطلع قصید
چنی طول ابطول نتمشه اعلی شطنه الأید بید
حلم غبشه وموبعید
-----------------------------

لا تنشدینی اعلی حالي منین أجیت منین أعود
آنه کــل سـاعـة اعلی ساعة هموم دلالي تزود
آنه مامرتني فــرحـة ولاشــفت لــحظة ســعود
آنه بسمه اعلی الــشفایــف نِکتت ویاها العهود
وآنه لو مامرني طیفچ عگبه شــلـّي بـهالوجود
بــعد هـــم اگــعد واتـــاني وجیتچ لعیونيِ عید
چني طول بطول نتمشه اعلی شطنا الأید بید
حلم غبشه ومو بعید
-----------------------------

تمت بنظم الاستاذ والشاعرابوموعود قاسم الرشیدی

 

 

إحصائات

الأعضاء : 13379
المحتوى : 198
دليل المواقع : 1
عدد زيارات المحنوى : 798528

آلبوم الصور

فقط للشعراء

خريطة الموقع

هدف الموقع

السيرة الذاتية