يامهديـنه تهتف بسمك هـالأرواح
يامهديـنه تـنهض لـيّام الإصــلاح
وعدك صار لـخذ الـثار
تـنهض لـيّام الإصــلاح
* * *
يــبوصالــح إلــك تـهتف حــناجــر مـــن مــحبّــينك
واظــن تــسمعها يـــمشيّم مــن اوّل بــدوة اســــنينك
بـعد مـاظـل يـبوالـــغيره صـبر يـكفي الـموالـــــينك
تــهل دمــعة مــصـيـبتها عـله حسين ابمصب عينك
ويّه ادموعك تــهمل دمــعتها امــن الـعين
ويّه ادموعك رخصة مدمعها اعلى حسين
بالأعــبار لـخذ الـثار
تـنهض لـيّام الإصــلاح
* * *
اشكثر يالـمهدي مــتـعذب عـله البالطف فدى المنحر
رقـم ذاك الــعطش والـحر عـله اسـهام الـبلا اتــصّبر
حـضر بـمصيبة الـقاســـم حــضر بــمصيبة الأكـــبر
او گطع چـف الگمرشافـه نـهض وعـــله الــكفركــبّر
وابلاوالي يـستـنصر مـابـين الگوم
وبلاوالي حاير يالـمهدي الــمظلوم
ظل محتار لـخذ الـثار
تـنهض لـيّام الإصــلاح
* * *
إلـك مـــكشوفــه يـالــقائم حــوادث بــالــعدد كــثره
نـريــدك تـنـتهض بــيدك كـسر ضلع امّـك اتـجبره
اذا كـسروا ضـلع واحـــد مـن امّـك فـاطمه الزهرا
بگت لـحسين اظن تدري جـميع اضلوعـه متكسره
والخيّالـه داستـّه ابــذاك الــمصرع
والخيّالـه طـايـح خــلتـّه امــــگطع
عـالــكفـّار لـخذ الـثار
تـنهض لـيّام الإصــلاح
* * *
بـعد نـــذكر عــلي جـــدّك سعا ابنهج الـنبي وشـرعه
امـن اجه السائل نطا الخاتم ولا اختل بالـصلا وضعه
صدگ راسه انـطبرسـاجـد وبگت هـالـديــنه مـنفجعه
والـحسين انــوخــذ راســـه او نـطاهم خاتـمه وصبعه
أصبح راسه يــفتر مــن ديــره الـديـره
أصبح راسه أطـفالـه اتــنضره ابـحيره
شِب النار لـخذ الـثار
تـنهض لـيّام الإصــلاح
* * *
يــبو صـالــح بــعد تـعرف مــصيبـتكم مــهي وحــده
الـحسن عــمّك أبــو مـحمد تــعرفـه وتــعرف اجعيده
ابـغدرهـا سمّـته وخــانــت قــذف وسط الطشت چبده
لـچن جـسم الغريب حـسين بگت حگ رضّه متحشده
وسط المصرع لاچــبده ولاعــــين وراس
وسط المصرع ظل جسمه الطاهر ينداس
بــالـبتـّار لـخذ الـثار
تـنهض لـيّام الإصــلاح
* * *
جـــسم لـحسين ابــولاأكـبر عـليه كـل هم صبح جاري
واظـنـّك يـا عــــميد الــكل جـــنابــك بــالأمــــر داري
ســهم عــينه وگــطع چفـّه وصبح بالطف جسم عاري
لــچن كــل هـايــه يـالـقائم تــحمّل حـــكمة الــــــباري
كل انصاره مــاظــلـّت بــالـشي تهتم
كل انصاره جــدّامــه اتــغسلة بـالدم
عالأشرار لـخذ الـثار
تـنهض لـيّام الإصــلاح
* * *
ولـك ثــار الــمشت حـرمه وحــيده وفــاجـده اخـوتها
تـفت صـخر الأصـم زينب لـون نــحچي ابــمصيبتها
بـعد عـين الـگمر تــــمشي ســبيّه وحــالــه حــالــتها
من الـطف راحـت الـكوفه ابــزجـر هــتكوا كـرامتها
لرض الشام طــبّت زيــنب وابـياحال
لرض الشام ممتحنه ابـعيله وأطـفال
اشبحنا انــظار لـخذ الــثار
تـنهض لـيّام الإصــلاح