نفخات الطیب في رحاب الخطیب

إرسال إلى صديق طباعة PDF

« نفخات الطیب في رحاب الخطیب»

یـالـخطیب اتـحب تــصیر---- اتــعلــّم الـــفن الـــــخیاط

والــخطابـه اخـیاط چـنها ---- إتـــقن اخــیاطـــة الـــغاط

** ** **

وانـا مــوخــیّاط تــحسب ---- لاکــن اضـربـلک مــثال

حتـّی تـعرف للــمعانـــي ---- الــمنها یــنصاغ الـــمقال

حــــسین واللهِ خــدمــــته ---- انـگول أعلی امن الجبال

واللـّـي یـوصلها نـوصفه ---- صـگر فوگ اجبال حاط

** ** **

یـالـتحب تـصبح خطیب ---- الــزوم تـــسمع هـالـکلام

أولاً عــایــن الــــنفسک ---- عــندک الـــیاقـــه تـــمام

اوچــان خـیـّاط الــکلام ---- ایــکون لاتــخرّب الـخام

خــیّط ابــفن اومــــهاره ---- اودوم راعــي الإحــتیاط

** ** **

گــالــوا«الـملا» لـزوماً ---- عنده« حائات» الشروط

«خـمسه»گالوا عدّدوها ---- الإلــها یــجمع مـایــروط

الــعنده تـوجـد بالخطابه ---- یــمشي ابــکل الــخطوط

ابکل عزیمه ابکل لیاقه ---- ابــکل تــسلـّط وابـــنشاط

** ** **

اوخمسة الحائات إسـمع ---- واعــرف الـمگصود زین

حاء«حظ» وحاء«حفظ» ---- اوحاء«حسّ»البیه رنین

اوحاء«حسن اخلاق» ویّا ---- حاء«حِسن منظر» العین

لـهوعــایــب لــهو ناقص ---- اوهـَذ هــوّا الإشــــتراط

** ** **

والــذی مــاعــنده خمسه، ---- اثــلاثه لازم عـنده کون

واللي یـنگص عــن ثلاثه ---- الــناس عــنـّه یــــبعدون

«الملا» هذي اهیاشروطه ---- عــرّفــوها اهــل الفنون

اوبـــعد إســـمع للـــبقـیّـه ---- یــالتحب تمشي السّراط

** ** **

یـــالـتحب تـصعد المنبر---- بــسم ابـوالـیمّه الـحسین

اتــعلـّم اول چـیف تصبر ---- اوهذ وصـف العنده دین

والـذي مــــاعــنده دیـــن ---- اقــرایــته شــبه الـطحین

لــوضـربـها هـوا الباطل ---- إلـــها مـــایـمکن لــگاط

** ** **

او یــالــذي تصعد المنبر---- اومجلسک بیه فد حضور

اخـطایه ماعـدهـم ثـقافـه ---- اوبـالـفهم عـدهـم قـصور

اخـتارإلـهم چــلمة اللــي---- تـنشرح إلــها الــــصدور

ابـلهجة الـسهله للــیسمع ---- اطـعام نـاضج عـالسّماط

** ** **

اومجلسک لوشفت هالبیه ---- جـایّـه اتـسمعک قـــلیل

لاتـعد مــجلسک خــالــي ---- اوتــعتبر نــفسک ذلـیل

مجلسک ظن بیه جماعـه ---- شـانـهم ســامـي وجلیل

واعــرف الــهذا کــلامي ---- الـصّافي الـمابیه اخباط

** ** **

اوبعد إسـمعني شگلـّک ---- اوزیــن فکـّر واصطبي

ابــمجلسک کـلّ الأیـمّه ---- مــع الــزهـــرا والــنبي

او هذه لاشک منطق الحگ ---- ابمکتبک وابمکتبي

اومجلسک لاتخلـّي نیته ---- بـس لـــجل جمع النواط

** ** **

اوبـعد اسـمعني شگلـّک ---- وانــا اضــرب هالـمثال

انــته چن خیّاط وصفک ---- عــرّفـــیتک بـــالــمقال

والــذي ایــخیّط صـحیح ---- ایــقدّر اجـــسام الرجال

ایــخیّط امــقدّر امـــعدّل ---- اولاکوبیه ضیجه بالباط

** ** **

اولازم الــخیّاط یــعرف ---- طــبع لـقماش الـصحیح

یـعرف الطبعه یتکرمش ---- واللـي یـکمش والیطیح

وانـته یـا ملا ألـــتمسک ---- صـــیر ویّــاهـا فـصیح

إلـها إضـرب من عملها ---- امــثال بــیها الإنـضباط

** ** **

کـل جـمع وامـثال عنده ---- مــن مــحیطه یـــا نـبیه

وانــته إضـربله أمثالک ---- مـــن مـــحیطه لاتـــتیه

اوعنـّه کــل معنا الـبعید ---- اتحطـّه چـالسلعه ابإدیه

حتـّی یــلمس للــــحقیقه ---- ابــلاشـکوک اولاانـیاط

** ** **

اوبعــد یـــا مـــلا أگـلـّک ---- صــیر صـادق بـالوعود

بالــک اتــخالف وعودک ---- تـــنزل ابــــلیّه صـــعود

اوبالـچذب لاتظن تحصل ---- عــود کــثره امــن النقود

اوحتـّی لو حصّلت تذهب ---- «حرگ» واتـشم الشواط

** ** **

اوصــیر یــامـلا عــفیف ---- ابـــعید عــن کـید الـنـّسا

واعــرف ابلیس المرامه ---- الــــزّین دوم ایـــــنجسه

وانــته زیــن اولاتـماثـل ---- کــربـه تــمشی امـسیّسه

والــیحطـّب یـــلــگطلها ---- اوتــنشبش ویّــا اللـّگاط

** ** **

اوخلـّي نحچي عن الاجره ---- التنفع الأصبح خطیب

إجرتک ماهي افلوسک ---- ابــمهنتک چـانک أدیب

إجــرتــک سمعة الطیبه ---- والــقبول امــن الـحبیب

احــسین هــالجدّه نــبینه ---- وهوَ ثاني امن الاصباط

** ** **

اولون ماتشرط احسلـّک ---- مـــع الـــتقرالــه دعـاک

حتـّی لاتـــنحکم لــــمره ---- اوتبگه حرّ انته اوهواک

اشما نطاک احسب نطیته ---- احـسین هوّ اللی نطاک

اومجلسک ویّا الــملالـي لاتــخلـّي بــیه ازمـــاط

** ** **

او بــعد مــن فــن الـمنابر---- الــتنحسب إلــها نـجاح

لاطــویــله ولاگـــــصیره ---- اوکل وصط بیه الفلاح

حتـّی لـوعـایــنت خطـّک ---- بـــالــسّما مـــبتسم لاح

خلـّي من قوتک ذخیره ---- اولا تظل ترکض اشواط

** ** **

اوبــعد یــامــلا لـو انـّک ---- شخص سبّک لاتـجیب

خلـّي احــسینک یــــجیبه ---- اوبـــیه ظنـّک لایخیب

چانک اتــحب الـــحسین ---- احسین مایعوف الحبیب

أحـلف ابألله اورســـولـه ---- اوبــاللي گــطـّع للـگماط

** ** **

اوبعد انصحک یاخطیب ---- ابــهالـنصیحه الـناجحه

صــیرمتواضــع چــــثیر---- اوهالـنصیحه واضـحه

الــرســل ســیّدهــا نـبینا ---- الصوته ظـل ومانـمحه

لنـّه چــان اکثر تـواضع ---- لاکـــن ابـــلیّه افـــراط

** ** **

اوبــعد یــامــلا لاتـمدح ---- کـل چـبیر وکل رئیس

بالأخــص هـاللي تشوفه ---- دوم عـنده ظـهر فـــیس

أمــدح الـریس التواضع ---- حتـّی لاتــصبح تــعیس

چــم چـبیر الـحگه لازم ---- یــضربـونـه بـالـصیاط

** ** **

والـــنصیحه للـــــخطیب ---- ابـــلاعـــدد هـذه أکـید

الملا یــنعد چـــالـمهندس ---- هــالــذي یبني اویجید

اوکــل قــصرهاللي بناله ---- مــن قــدیم ومـن جدید

ایناسب امکانـه اوزمانـه ---- قــصر عـادي لوبـلاط

** ** **

اوبــعدلاتــحسب اعــلوم ---- الـــعندک اتـکفـّي الــمرام

طـــالــع اوإحفظ لاتکسل ---- اولاتــــحب دوم الـــــمنام

الــنوم یـــنعد چـــالــدواء ---- اچثیره بیه تمرض اجسام

اویــالـــجسام الــنوم ینعد ---- چــالحروف اویـــالــنقاط

** ** **

او یـــا أخــي کـل القرایه ---- احــــسینها واحـــد تـــره

مــاکــوعــدنا احسین ثاني ---- بـــــــین جـــــدّام و وره

اوهالیگول احـسین عـندي ---- انـــا دایـــم مــــــحضره

حضروا بس عندي یـناس ---- اولا تــــحلـّون الــربــاط

** ** **

یـــنحسب هـــــذ اشـــتباه ---- الــــــگایــــله مــن الأنـام

عـــند الــحسین المجالس ---- کـــلها تـــــنعد فـــد مــقام

الـــله بـس توجــد مجالس ---- افــــلوســــها کــلها حـرام

منها بــوگ ومــنها غش ---- اوکــلها مخـلوطه اختلاط

** ** **

واخـــتم وأســئل مـن الله ---- الـــــملا والـعنده الــعزاء

ابـــلیس لایـــتلف عـملهم ---- بـــلمفاخـَر والــــــریـــاء

واللــی تــگصد للـمجالس ---- دایـــماً عــــدهــم وفـــاء

والـــذي لـــحسین یـــخدم ---- یـــصعد ابلیّه انـــحطاط

** ** **

تمت 18 جماد الأولی عام 1432 هـ .ق

لناظمها علي عبدالحسن العرادي

 

 

إحصائات

الأعضاء : 13379
المحتوى : 198
دليل المواقع : 1
عدد زيارات المحنوى : 798525

آلبوم الصور

فقط للشعراء

خريطة الموقع

هدف الموقع

السيرة الذاتية