حـین ابـو فـاضل تـعنّه وطب لعد وادي الطفوف

عنّه ظل تاریخه یحچی ویـکتب الـهاي الحروف

*     *     *

الگمرحمّای الضعینه من تـرک ارض الــوطــن

لله فوّض امره وانــهد یــحدی ابــذاک الـــضعن

بالهدف والــرای یــعرف یـسوا یـرخصله الثمن

ما بخل حتّی ابحیاته وخلـّه هـــالــعالــم تــشوف

*     *     *

نهضة الــعبّاس صــارت للــخلگ مصدر درس

منها کل اهل الضـمایر والــشرف خــل تــقتبس

گال عیشه اتــصیر بــالــذل بــیها ماتسوا النفس

ومــوتــت اللـی اتـصیربالعز بیها اتمنّه الحتوف

*    *     *

هــاذ عــباس ابــوفــاضل فسّر اوصاف الرجال

ظل إله الـــتاریخ یشهد مــاإلــه شـــابـــه مــثال

وظــلت الطف عـنـّـه تــحچی بالمفاخر والکمال

شهم وابهیبة کماله زلــزل الــذیـــچ الـــصفوف

*     *     *

رمــز ظــلـّت للــمحاچــی وبـالمزامـط تنطرا

ذیــچ حــملت گــمرهــاشم من حمل عالگنطرا

خلّه فرسان آل امــیّه اعــــله الأرض مـتطشّرا

وابحوافر مهره من هد بــگت مفروکه الأنوف

*     *     *

مــاتــمانــع مــن اجتـّـه زیــنب وبـسمه انتخت

گلها یازینب یــخیتی الــیوم لاحـضنی الــبخت

حیث یمّی وبیها اعــتز نــاگــتچ مــن نـوّخــت

حتّی اوفیلچ ابعهدی رقـم کل های الــضروف

*     *     *

لنها زینب ردّت اعلیه کفو ابزودک یــالعضید

وانته تعرف یاعضیدی آنه من عــندک شـرید

تدری حرالعطش تدری اعله الطفل واید شدید

وانته سقّای الـعطاشه وبینه هحاطت هالألوف

*     *     *

نط عرج هاشـم وأغــضب شـبل حـمّای الحمه

گلها هاذ الیوم یــومـی بــشری یـابــت فـاطمه

هسّه اخلّی المای جاری واطفی کل حرالضمه

والطفوف الیوم بیها اعـله العدا ایحل الکسوف

*     *     *

بــرزبـامر احسین غاضب والهدف للمشرعه

بـعدماخلـّـه الــعساچـرعـلی الغبره امصرعه

بالغدرچفّینه ظــلت عــلی الــشاطـی امگطعه

والأجل عین الـعقیله ضـحّه بـثنین الــچفوف