خطـّة العباس

إرسال إلى صديق طباعة PDF

« خطـّة العباس »

امحوّط ابخطـّة جمالک وانته لک خطـّه اللي تنخط مستدیره

خطـّـتک خطـّة عجایب تجعل الأفکار مبهوته  ومثیره

کهربا وما تهد  إلـّه الشریف الثابت ابنهجک مصیره

او لون واحد گام عاد الخطـّه بسمک گدر یحبس بیها دیره

خطــّتک بعصیّه واعلی الگاع تنخط لچن تصبح بالأرض شبه الحفیره

بیها ینصاد الحرامي والفـیسد والمبّطـّن تفضح الغشـّا ش چل منکر نکیره

خطــّتک ربّک صنعها ولون تنخط عالأرض تصنع جزیره

خطـّـتک قاضي القضات وتحکم الدنیه الچبیره

خطــّتک مفتاح کل حاکم زمانه ابمحکمه اوّاجهله حیره

اولو أجیبنها وأخطها اعلی الشرایک تفضح اشگد ناس بوّاگه وحقیره

بالقلیل الچان یطلع منها سالم حیث إیده اعلی حلال الغیرما متدّت گصیره

هایه مصیادة الیاکل من حقوق الناس وظل میّت ضمیره

هایه مصیادة الینکرما تطلبه وینفضح بین العشیره

هایه مصیادة الباگک بالخدیعه وینکمص تالي ابحصیره

هایه مصیادة الاّقف من الوادم بالعدد آلاف لیره

خطـّت العباس هایه وبیها کل اهل الدغش تصبح أسیره

خل أخطها وین اخطها ما أخطها خلـّي الشیطان یتباها ابحمیره

إلستر أحسن وسیله الشکوا لله اوّجهي للخالق أدیره

آنه متعجّب علی الیاکل حرام او یجي ایوکـّل إبنه وابنیته الزغیره

شنهو یطلع إبنه باچر غیر یطلع فد حرامي الماکو بالعالم نضیره

شنهو تطلع بتـّه باچر غیر تکشف ساگها وتلبس بجامتها الگصیره

خبزة المصدرها من بوگ الفقیر وأکل حق ذیچ الفقیره

والله یجعل بین هالعالم کوارث تبگه کل إیّامهم تعسه وخطیره

ویرد کل بزر اعلی أصله اشیگلب الحنطه شعیره

وتستلذ بالمنکرات وتعمه عن معروفها اعیون البصیره

وایبي واحمیّد وعبّود وسیاوش یطلعون ایزاحمون الساره بروانه ومنیره

إخو ذیچه ورا هایه وإخو هایه ورا ذیچه وتبگه عین الخجل مطروف وضریره

إی لعد إلمن صبح عبّاس کافل مولجل یجعل کفالة یومه سیره

یا إخوالحن مثل عبّاس اعلی زینب من بگت بیه مستجیره

هذا منهج إبو فاضل کون کل إنسان یملک عنده غیره

 

إحصائات

الأعضاء : 13379
المحتوى : 198
دليل المواقع : 1
عدد زيارات المحنوى : 798524

آلبوم الصور

فقط للشعراء

خريطة الموقع

هدف الموقع

السيرة الذاتية