« أين الحسين »
ضعن الهواشم جاي للـمد ينه وين الحسين وين الحسين
** ** **
ياضعن چاوين الحسين السبط رمزالفخر دونــه راجــع للوطن
ياضعن ياعجبه راجع مارجع ذاك الگمر خايف اتگلـّي انطعن
ياضعن چاوين الأكبر ماهوراجع عالأثر ولابــعد شبل الحسن
شو هاي زينت تنتحب حزينه وين الحسين وين الحسين
** ** **
ياعجب رجـعت سـبيّه للوطن لبوة عـلي تحدي بضعون التعب
ياعجب ذيچ الـعقيله الـشمر واليها ولــي والـستر مـنها انـسلب
ياعجب إم المفاخر مـنها مدمـعها ايـهلي إلمن انـوجــه الــعتب
مهضومه ردّت بت بت نبينه وين الحسين وين الحسين
** ** **
بس علي زيــن الــعباد ابـروحــه العليله گـلبه بــالــهم مــمتلي
بس علي بــحبال خــشنه وحـــاله نـحيله امــگيّديــنه يـــاهــلي
بس علي مابطل جرحه امن الـدم مـسيله جدمه بالحر مصطلي
والــراد يـسئل شــيرد علينه وين الحسين وين الحسين
** ** **
بس حرم ردّت سبيّه وفـاجـده الـولــيها والـــشمر بــيهم حــكم
بس حرم تـنحب تـنادي وتصفگ بديها والها چم غيض انكظم
بس حرم بالحرعــطاشه ومـحّد يــجيها وچم گلب منها انهظم
وتصيح ذبحوا بالطف ولـينه وين الحسين وين الحسين
** ** **
ياگمرمــعروف صــيتك عــندك عـلايـم وانـته عنوان الفخر
ياگمربــعدك عــطاشه اطـــفال الهواشم وانــته مـامنـّك خـبر
ياگمرچــاويــن وعـدك تـسگي الفواطم شــونــمت يــم الـنهر
لاتـگول زنـدك گــطعوا يمينه وين الحسين وين الحسين
** ** **
يالشمرشــتريد بــاچــر تبدي اعـتذارك لــون رايـــد تـعتذر
يالشمرغـاطك أصــبح بالــدنيه عــارك ونزعت ثوب الستر
يالشمرذبـحيت أشـــرف مـنحر مـبارك وگعدت فوگ الصدر
لــو راد يــسئل منـّك عـَـلينه وين الحسين وين الحسين
** ** **
بن سعد يــومــك رسمته ابـدم الضحايه وانـــكتبلك لــــلأبـــــد
بن سعد يتـّمت والله اشـــراف الــبرايــه اوچم چبد مدمي انمرد
بن سعد الله ايــلعنك يـــبن الــــــبغايـــه شـــلعذر مـــنك بــــعد
امننــسبت زينب كلنا انسبينه وين الحسين وين الحسين
** ** **