« هوسات مهدويّة »
ماتــغمض جــفن هــيهات هــذا الـكون ناطورا
يـسجّل والــعدد مـــعروف للــماوفــه ابـدستورا
يوگفها اعله حد السيف لو حل موعــد اظـهورا
«وبساحة عدله ايوازيها»
* * *
يـظل وعد الظهور ابعين كلمن يعرف المهدي
سيف الماتردّه اسيوف من بالضعن ظل يحدي
يخنگ نــفس كـل عيّال مـن بـالثار ظل يبدي
«ويرد الحگ لهله وگوما»
* * *
اشما حچت گوم النواصب والنا رادت تستفز
مانــعوف الــمهدي والله وبـسمه دايـم نستعز
هــذا بـيه نــفرك خـشمها اشما توازينه ونبز
«وبيوم المهدي انوازيها»
* * *
يظل حب مهدي الأيمّه اعله الخلگ واجب فرض
وهوا حجّه اعـله الــخلايـگ رقماً اعله الـيعترض
حـاكـم الـدنــيه ويــحاكم خــصمه يــوم الــينتهض
« وبعدله الدنيه ايضوّيها»
* * *
يـظل عـهد الـثار ثـابــت رقـماً اعـله الـما يــبي
مـن يـگوم ابــسيف عــدله ايــجدد اعـهود النبي
زلـزلــه ونــقمه ومـصيبه اتـخيّم اعله الناصبي
« وبشمرة حيدر يفنيها»
