ألتمیمة
الشاعر: ألشاعر جواد العتّابي الفئه: وجدانیات,((التمیمه))
** ** **
الیوم آخر یوم من فصل الخریف
و باچر انفاس الشته
ایعسّم بردهه
باچر انفاس الشته اتضک الضعیف
و گبر دنیا اهل العسر
بارد لحدهه
تِختِي باچر برد جدران الصریفه
و ترجف الطفله الیتیمه
باچر ادموع الأرامل
تمطر من اغيوم سوده
ابسبخ عمری
ابخیط هیمه
آه من باچر ، و باچر
چم طفل من یوعه یعلسهه التمیمه
تِختِي باچر برد جدران الصریفه
و ابکترهه
اتبخر انفاس القصور
من الدفو
ابضحچة ندیمه
باچر اتمد الشطوط
و زود یطلع
ینحدر صوب القصور
و یصدم ابسد الهزیمه
ایرد عله النصه
و کُبَر بیت الیتیم
و یاخذ ابثار الهزیمه
من الیتیمه
من الصریفه
ابقسوته ، و ابکل عزیمه
آه من کابوس باچر
وحشة احلامه ابخیالی
و یوعت الزرزور باچر
یا ظلیمه
آه من باچر ، و باچر
یعّرَه حتی العود
و اتذبحه المناجل
لل حرگ
لل حقد چیمه
آه من وکتی الطوا افراحی
ابقسوته
و ضاعت اسنین الطفوله
یا حریمه
اتبدلت حتی اللیالی
و ماتت الرحمه جنین ابطن دنیا
البیهه صار الحُب جریمه
الصدگ مات
و ماتت اهلهه
و صارت الحیله کسب لل بعض
و الغش
و النمیمه
اویامن احچی ؟
اصرخ ، و محد سمعنی !
البشر لاهی ابذبح بعضه
و لو فرغ یشتر گعد
مثل البهیمه
یمته یا یوم الضمایر
توعه
و اتشوف العیون
و تنعرف نفس السلیمه
من السقیمه !
اللیل یمته ایشیل عنی ؟
و الصبح یمته ایتنفس ؟
الأمل یمته ایلوح فجره ؟
یمته { مهجور } ایتبسّم ؟
لل حیاة …
و ینجلی یا یوم ظیمه …
** ** **
کلمات : جواد العتابی
خریف 59 ه ش