أمل لا يُمل
الشاعر: ملا علي رضا ألنوروزي الفئه: ولائیات,((أمل لا يُمَل))
علت نجم الثريه ابعال تبزغ
خذه سور الفرح للهام يبلغ
دفت شمس المعازه ابسوگ شحوه
ماچانت أبد للزين تفرغ
شينه وما تظل بيك المشينه
غدت بيك الحلاوه ابزود تمضغ
صدگ ورد الجميل انواع عدنه
بس عطره انسحگ ماعاد يمرغ
وبجاهك لمع ورد النسينه
شذاه وما بده باللون يصبغ
رسم طعم الأمل بوجوه ناسك
يومك للصعيبه اشباع تبرغ
يومك ينقش ابوجه اليتامه
جيه من الأبو لبعيد روَّغ
يومك يعلن بيوم المُنايه
بسمك كل أمل من حيل ضوَّغ
يا گوة الفقيرانته و طلعته
يا نور الرجاوه ابليل مَرْبَغ
مثل جدك محمدللصنم هز
ظهرجيتك لهل طاغوت طوَّغ
تعال النا يبوصالح رجانه
مثل يومك يجي الجوعان بيرغ
علينه الحگ تره ما ظل بعد حگ
العداله مفصل من النوگ رسغ
ماشم ريحة المرتاح عمره
عمرنه انباع للحسره وتملغ
نريد اللوان بيرق حيدره اترف
بيدك عالظليم ابشوگ مازغ
تره راس المليق امحلقه الهم
اوماعون الفقر بس بيك يدبغ
ملا عليرضا النوروزي