أنصار الحسين ع
الشاعر: الشاعر عبدالأمیر الحمیداوي الفئه: حسینیّات,*قصیده ابوزن العگیلی الی انصار الحسین علیه السلام*
تاریخ الطف سولف واحچی ابیوم العاشر شنهو الصار
واشسوه حسین وانصاره من هدو جیش الکفار
صاحو هیهات امنل ذله واولهم سید الاحرار
نفدی الدین ابکل مانملک بس لا رکن الحگ ینهار
واتوسط عباس الحومه وگله ابشر یبن الکرار
خل انهد انه وخوانی ونسحگ هل جیش الاشرار
والتمو انصاره ابهمه واولهم شیخ الانصار
گالو احنه اب اول هده ومن رخصت سیدالثوار
وارخصهم لحسین ابدمعه وصاحو کلهم یا للثار
ثار السطره وثارالدفعه وثار الباب الشبو نار
هدو عل حومه ابغیرتهم دفگو چن برکان وفار
خلو جیش الطاغی ابحیره وواحدهم واگف محتار
مایدرون امنین الشرده ومن خوفه ایحط حتی الطار
صالو بیهم لعبو یوله وخلو بیهم بصمت عار
بس لاچن امر الله وحکمه وخله الجیش اعلیهم دار
ولازم دمهم یسقط بل طف والله الیکتبهه الاقدار
نصرو دین الله ابمقتلهم ونصرو طاها وحامی الجار
ولابد یظهر مهدی الامه وبیدیه رافع ذوالفقار
ویاخذ ثار حسین وربعه وایبرد کل صدر الحار
____________________
*تمت بعون الله بقلم خادم اهل البیت عبدالامیرالحمیداوی*