ابوذیة ام محمد الکعبي
الشاعر: الشاعرة ام محمد الکعبي الفئه: اجتماعیات, غزلیات, موال و ابوذیات, وجدانیات,عيوني الغدو مني ونتراهم
شَجِن عمري گضيته ونتراهم
يمته ايكف زعلهم ونتراهم
وانسه المُضيٰ ونتگابل سويه
ام محمد الكعبي
شفتلك بشرياخَيّيّ بلاهم؟
اذايشكيي عليه تنزل بلاهم
طرگاعه الزلم صاير بلاهم
دِرمه وصايح وحيله واذيه😊
ام محمد الكعبي
شبه الصخرعاصي وچنت مالاچ
تواتبتي يدنيااوياي مالاچ
الچان امحَصَّرويوعان مالاچ
اصبح يـامر وينهي عليه
ام محمدالکعبي
شمالك
يبعدالروح
جف حبرك اوياي
منك ردت🙏🏻
بس بيت ✍🏻
لاتكتب اهواي 🌴
ام محمد الكعبي
صرايرشوگ لليهوه شدينه
شي بالعين نهديله شدينه
اِلمو وَفّاي ياربعي شدينه
مَدامَه للطمَع يفزع لأخَيَّه
ام محمدالكعبي
اَناضيمي مظن يحصل شباها
سعير افراگهم روحي شباها
اخت حسين يالوادم شباها
درب شاماتهه و موتت رقيه
طگني الدهر والسنسول حناه
ودليلي بغيبتك يحسين حناه
غدت بالطف يبوالسجاد حناه
راسك من صعد بالسمهريه
ام محمد الكعبي
يبوصالح تعال و غير الاجواد
و مُر ابعَمَّك المسموم الاجواد
يريت اتلِمهُم اهل الزود الاجواد
وتعلنون العزه بالكاظميه
ام محمد الكعبي
ناقوس الحزن روحي بهاداي
كـأَن خـلخـال دنّـًـاته بهاداي
متيَ سراي الفرح داري بهاداي
تـــشع وتــنور للـــردو علــــيه
ام محمد الكعبي
وكتي ايهَبِّش اعضامي بياون
وعَلَه جروحي توِن روحي بياون
وين ادري القـدر يــصفه بياون
يَاالٰهي الخـــاتمه صَفّيــها لَيَّـــه
ام محمد الكعبي
1
هلي ابيوم الوغي امجَرّد سفرهم
وهلي للضيف ممدوده سفرهم
هلي منعوت للمؤلِم سفرهم
هلي ابخيتين عيشتهُم دَواء
ام محمد الكعبي
امگاوَد وَيْ نصيبي وعَلَي شيمار
اونِيّٖ اجرعةْ منَّه وملح شيمار
امچَتِف روحي للمعبود شيمار
بصير و يدري شنهو ايلوگ ليه
ام محمد الكعبي
اذا مكتوب والباري يردلاك
يِفِزِّ الميِت من لحده يردلاك
صبر ياخوي بالدنيا يردلاك
تره الماله صبر دوم اباذيه
ام محمدالكعبي
يِذِّم ولفظه شي طعنات شيراد
الشامت .والزمن يا صاح شيراد
مني و اَخذ زين الناس شيراد
الراح و عاف تَلّ احزان بيه ٠٠٠٠٠٠
ام محمد الكعبي
تعال وشوف دمع العین شیسال،،*
دمه وافراگهم بعضای شیسال،*
اعضامی، وشامتی شیرید شیسال،،*
عله الراحو یهیج آلآم بیّه،،*
ام محمد الكعبي
طگني الدهر والسنسول حناه
ودليلي بغيبتك يحسين حناه
غدت بالطف يبوالسجاد حناه
راسك من صعد بالسمهريه
ام محمد الكعبي
لا مر.لاگصد.لانشد.لاحاس
لاحن.لاحچه.لاجاس.لاحاس
لاون.لابچه.لادرك .لاحاس
لاطخ.لاگرب.لاشُفَگ ليه
ام محمد الكعبي
الحزن خَيَّم ابروحي والبلابل
عَلَيْ النوگ ناحن والبلابل
صرت حال القناري والبلابل
ابقفس و الناس متونسين بيه
ام محمدكعبي
حرت يارأي اتبعنه يريتاه
وينه اللي يعلمني يريتاه
كلما اخط مكتوبي يريتاه
وتون اوياي حتي الابوذيه
✍🏻ام محمد الكعبي
هــلي ايـميـِّز ابنيــشانه چــعـبهم
اصيل وبـالــوغيٰ مِســـرِع چعبهم
هلي اعراب النسب واصلاً چعبهم
هَــلي ملبــوس حُرَّتهُم عبااء
ام محمد الكعبي
عن لسان علي عليه من دفن فاطمة الزهراء في ليل الدجي
گاللهه
عليچ الحـزن مابــطله يفاطم
واذب ثوب الفرح لجلچ يفاطم
مِــريــر الزاد برياگي يفاطم
عــلي عگبچ تغَّذّيهِ الرزيـه
ام محمد الكعبي