اثر الحرامي
الشاعر: الشاعرة زهراء جبار الفئه: حسینیّات, وجدانیات,اثر الحرامي
** ** **
نار و عاصفه و دخان ركت خيل
و عثرت فاطمة و خرنوب ضحكت ليل
سچین و رمح سیف و حبل و اچفوف
وخیمه ابلاعمود و واگفه اتهلهل
گاع ابلا رحم ذبحت حلم چم بیر
گلبت طینها و من هدت اتهرول
اعاین علخیم بس الله عیني اتشوف
واعاین للنهر بجروفه شابع دم
ردیت و عثرت بلوعت الکاروک
و دللول التدور بالنبال اصغر
ردیت و خیمهن صاحت امیه
زلف الخانگه الدخان یعمه ایراوي ترچیه
وچف المازرع نخله بسلف جوعان یشرم ذان البنیه
عرس حفنة فرح وانطش کماي ابگاع عطشانه
نعاوی اتگبعت هلهولت الحره و لطم وجه الفرح و الچلم حزنانه
شرید احچی و دربهم لیل مابي خیر
عمه وگادته چف عمیان تبعو صوت ضحکت لیر
خذتنی الصفنه حد ما فرن من ایدي القوافی
و عثر مطلع قصیدي و الختم یم سجدة الخنصر
وشفت مبیوگ محبس والحرامي اینوح علمنحر
محبس نور مرسومه بشذرته الله
حرامی ابلا وضو فوگ الصدر صله
مشيت و تابعت اثر الحرامي امنین
و جابتنی الرسایل گود للمنبر
للناس النسو حیدر
ولاگیت الاثر وجه ابوجه شاهود سبحه و چف
ولاگیت الاثر بلگصه ماخذ لون
وشفت بيده السياط امزورگه بشارعنه متن ام عون
و لاگیت ابعرس فانوس، بس ذابح ضوه الشمعه
مرود كحل چن لاگیت يم العين، بس حالف على الدمعة
لاگیت بحلم فلاح ورده و سنبله و شجرة
و شّرهه المناجل هد يحش برگابنه الخضره
و لاگیت ابـــ…..
نزل وحی المشانق والنخل حدب
** ** **
زهرا جبار
Stay warm and cozy with a Wall Outlet Portable Space Heater.
https://bit.ly/3K7fNZi
or https://bit.ly/3fhszGn