اخوي والمفتاح

اخوی ولمفتاح
ــــــــــ

ما مرتاح
للمرتاح

اخوی الصاحب المرواح

ویعامل عله المفتاح

یذری اذنوب

من چان الجدم عریان
ونفرچ گفا التومان

گاهن روحی افرشهه
وصیرن عکه للجوعان
منحیث الخبز جیران

اذا معتاز هسه ایصیح
انطی ذانی الطرشه

منحیث القلم بعنا
ونعامل عله القرشه

صاحب صدگ ماعدنه
نسینه احنه ترا الفانوس
من نلتم علیه کلنه

الیحضنک بلسلام اهوای
احذر باچر ایخونک

الصگر یحضن لون ایصید
چذبهن ترا اعیونک

لابخنگ ولاچلاب
ولکله ترید احباب

اعاتب روحی وی روحی
وگللهه العگل حافی

خل یرجع عزیز البیر
ویفسر حلم قافی

مایربح بعد فلاح
منحیث الرطب ینلاح

ولنخله تشد الثام
من شافت بشر ینسام.

ڪ…عبدالحسین الصیاحي
ــــــــــــــــــــ