ارید اکتب غزل
الشاعر: ألشاعرة ام عدنان سیّاحي الفئه: اجتماعیات,ارید اکتب غزل
🌺〰〰〰〰〰〰〰〰🌺
ارید اکتب غزل واتغزل ابروحي
بلکت تشتفي وتتضمد اجروحي
ویخلص لیل حزنی وتسکن اوجاعي
ودندن بلغزل واطرب عله ایقاعي
ادون بلحروف وشایله اشراعي
ولا اقبل یصیر العمر مناعي
اصیرن نجمه مره وترهش ابگمره
مره اصبح جمال النخله والتمره
مره من الورود وزاهیه وخضره
مره اصبح مطر وامرکد الغبره
حضن دافی اصیرن للیحبوني
انطیهم دلیلی ونظرت اعیونی
بس ابشرط ماتتبلل اجفوني
اتیهن بلشعر خوفي یلومونی
اضیع ابکل شطر قافیه ومصراعه
وارجع واکتب المطلوب بنواعه
مره اصفن ابحالی وگلبی واضیاعه
یگولون الغزل بس للحبیب ایلوگ
والیحچی غزل گلبه صبح مبیوگ
یتغزل ابروحه اشلون الي بلالم مخنوگ
ویحوي احروف حلوه چن رطب بعثوگ
ارید اکتب شعروارسم صور لوحي
اطیب اجروح گلبی وعالیه اسروحی
✍ام عدنان سیاحی
مبدعه