اسد بغداد
الشاعر: ألشاعر منصور ألعرادي الفئه: ولائیات,*«أسد بغداد»*
يا أسد بغداد يا ريسانها
الكعبه متفطّر إلك إيوانها
من تفطّر چبدك ابذاك السجن
كعبة الله ارتِدَت جلباب الحزن
والأسى بيّن عليها ابكل ركن
اتضعضعن لمصيبتك أركانها
إنته ياباالحسن للكعبه عماد
وابولاءك صفت قبله للعباد
هالمسه ناحت إلك سبع الشداد
وتبث عالعالم وهج أحزانها
اشكثر قاسيت ابمطامير العبيد
عجّبيت ابصبرك اصفاد الحديد
لمّن اتجرّعِت سمّ اللا رشيد
اتهدّم لأجلك جبل ثهلانها
محنتك يا تاسع انوار الحجج
وجّرت نار الهضيمه بالمُهج
عالجسر شيعتك منتظره الفرج
وقاتلك دمّر أملها وخانها
شيعتك للفرج عاشت هالأمل
(إبن شاهك) ما درت بيك اشعمل
بالغدر قدّمك لَٱنياب الأجل
والفلك بالعكس فر حُسبانها
تنتظر عالجسر چانت شيعتك
بيدها اورود التهاني لجيّتك
لچن وسفه استقبلوها اجنازتك
انذبحت الفرحه ابرهيف اشجانها
والذي خلّالك السّم بالرّطب
إسمه من رحمة الرحمن انشطب
الفرس من عالجسر شمرتّه حطب
للجحيم و رِخه ابإيده اعنانها
الحاربك يا موسىٰ حاربها السّمه
والسّمه من عنده لا شك ناقمه
ألله لعداكم خلقها الحاطمه
وإلهُم انفتحت سبع بيبانها
سيّدي مأساتك اتحِز بالگلب
يمن للعالم چنت إنته القطب
يوسف ابسجنه إلك دمعه يصب
چبدتك من وجّروا نيرانها
✍🏻 منصور العرادي
٢٤ رجب الأصب عام ١٤٤٢ هـ ق
١٣٩٩/١٢/١٧ هـ ش