في حق أعضاء منتدى لغة الضاد
الشاعر: منتدىٰ لغة الضاد الفئه: اجتماعیات,في حق أعضاء منتدىٰ لغة الضاد👇🏻
***
كبـرت الچلمه ابـلسان ارجــالها
والــفرس تـحله ابـــعزم خـيّالها
***
منتدى الضاد ابهوا الشاعر بدىٰ
بيه هدف والهدف واضح حدّده
مـزهريت الــشعر بــيه متــورده
مدرســة تــعليم ضاوي اهـلالها
***
دايـــم الــفتّوني متــواصل نــفع
من ارض لــبنان بــيه مـجرا النبع
فارس اعلوم اللغه و شبه الشمع
ضاوي عزمه و مــدرسة اجـيالها
***
بعد عدنه النجم سـيدنا الفهيم
قدوة المنتدىٰ من بيت الحكيم
سيّـد امحمد ابــو الراي السليم
لو نطق ينصف ابـخط مـرسالها
***
وابو الاكبــر نـجم لامـع بالــكلام
ضنوة النوروزي عاصمة الـمرام
من كلامه ايــوزّع اعلينه احـترام
بالتــواضــع رايــة الـحُب شالها
***
عدنه ظل منصور و بقلمه القويم
صار للــكل نافـع و اجــمل نــديم
ما يجامل بالحچي ابخط مستقيم
ينطي مــعلومـات مــاكــو امثالها
***
دخل ملا غــلام شـاعــرنه الأديب
لو رمه احچاية بخت حتماً يصيب
شاعر و فاهم ابأخـلاقه و خطيب
امــخدّره احــسينيته دوم ادلالها
***
بس حنين الشوق عالمها اختلف
لو نطت مــنشور يـستنفع سلف
عدها عالـم ثانــي عــالآخــر كِلف
تسحر الــقاري ابــحصيلة بــالها
***
لاچن الــعتّابـي يـشهدله الــقِطِر
من سما الأخــلاق يتـساطع بــدر
من خياله الـچلمه أبــداً مــا تـفر
طــولــه فـــرّات الــيزل يـحلالها
***
والنـــعم شــايــع رفـيع المنزله
والإخو البــحراني كــون انبـجله
ويّه لفته المجد زيـن الــمرجله
يحله شعري ابوصف عَد اجبالها
***
بــــعد ام عــــدنــان لا مــا تنّسه
والاخـت ام حيــدر ابــفوج النسا
بالأخير ام مهدي جت متـنافسه
يــكتبن صــارن شــعر بــشكالها
***
والحميداوي كفو و نــعم الأخـو
وبــواضياء الــزين يا ميّت كـــفو
وبو سيد حــيدر ابــقلمه الــحلو
چم حـــفل بيهم مــواقف نالها
**^
ملا فاضل لـو جـدح يـجدح شعر
احمد الحرجاوي يا نعم الذخــر
لاچـن الــعچرش مـديماً مــعتذر
تارك الــعكره الــخذت بــحبالها
***
مثل سيد امحمد الطب و سكت
وي خلف روحه الأديبه اتشربكت
لچن العيداني هـادي اتــمسّكت
نفسه تدفـــع چلمته ابـإيصـالها
***
هادي الفاطمي من يكتب سحر
ويّــه ابــو داوود بيــهم أبتـــشر
ننتظر من علي يحچي و يـستمر
اسدي و تــشهد اســد بـفعالها
:::::::::::::::::::::::::::::::::::::::::::::::::
تقبلوا تحيّاتي لكم فرداً فردا و هذه الهديّه كتبتها فقط للتسليه و التحسس بكم و بتواجدكم من الذي لديه فعّالية و من الذي لم تكن لديه فعّالية الكل تحت المجهر بعين الإحترام و الحب والمعزّة على مختلف الطاقات الادبية .
الاقل الادنى:
٢٥جمادي الثاني ١٤٤٣
محمدحسن ألعرادي
🌹🌹🌹🌹🌹🌹🌹🌹🌹