الخاطر الله
الشاعر: ألشاعر شایع ألسیلاوي الفئه: اجتماعیات, وجدانیات,الخاطر الله
بين الاحياء القديمه….والا زقه والشوارع…
بين الاسواق وبساطيها وضوة اگبب الجوامع….
بين تكبير ألاذان وصوت ناعي….
وبين طگات الاصابع والدفيف الماله داعي….
سكرت الناس ابحلمها وانه واعي…..
صوت غناوة وهلاهل…
فرحه ممزوجه ابنواعي…
وانه شكبان الحزن صاير متاعي….
وانه بين الضحكه والدمعات ساعي…..
اهناااااااك لن چلمات من فوگ الرصيف …
….الخاطر الله….
درت وجهي
لليمين
وللشمال
ودورت عن چلمة الله…..
مرة چلمات المذله الخاطر الله…..
وصدت ابعيني اليتيمة الما حوت من نعمت الله…..
صدت ابعيني الگضت نشغات والوادم سكارة….
رجفت ابروحي المحنه وطاحت امنيدي الجگارة….
شفت لون المستحه الحدر النگاب….
شفت لون اعيونها ابلون التراب….
شفت روح ابلايه روح امعلگه ابخيط السراب….
رحت يمها ومن رحت نشفت لهاتي…..
ومن وصلت اگبالها ابچفها اللمحت صومي وصلاتي…..
وابستر فية عباها اتصورت صورة بناتي….
وعجدت الساني الدموع وما حچيت….
وشلت عيني ابعين الله وعاتبت روحي وبچيت…..
وهاااااا كثر لله اندعيت….
شفت روحي اشگد زغيرة ابدنيه مليانه مأسي….
وشفت عين الما ترف ابرحمة الله ابين ناسي…..
كلها سفرة وجدمت يم رحمة الله….
كلها طينه وچف عزيزة….
بس تذلها الخاطر الله…..
…..
…..ابو ياسين السيلاوي…