الدارمي المجنّس في الآعیاد الشعبانیّة
الشاعر: منتدىٰ لغة الضاد الفئه: حسینیّات, ولائیات,ألدارمي المجنّس في الأعیاد العشبانیّة
من اعضاء منتدی لغة الضاد الثقافي
***
في حق الأمام الحسین علیه السلام
لا عـندي ظـل آهــات لاهـم وشدها
ابتـوته الـگلب بـحسين عكّر وشدها
شعظم واجل ايثار شصعب وشدها
بيـه سـولف الـتاريخ تــثبت علايم
محمدحسن ألعرادي
***
یا من ترید اجواب تنشد مَنحسین؟
احسین العمر ویاه احسن منحسین
لو للنجاة اترید توصل مِنحسین
اخذ النتجاة او عیش بالهیبه دایم
احمد الحرجاوي
***
لله ابذلتها الروح مو فقط مالك
تهدي ابطبق اخلاص يحسين مالك
تسوه امن ايطفّي اليوم حگ ناره مالك
لجلك يبوالسجاد يبن الاكارم
من مر شهر شعبان واهلاله هلهل
وجه النبي النبي المختار والزهرا هلهل
بسم الحسين السان مَن حبّه هلهل
هلهوله جمعت خير لاهل العوالم
فاضل الثوامري
***
هامت يابو السجاد هامت واردها
روحي وعطش بعضاي يمك وردها
بور ومحل صيهود جاسن وردها
حزها اوظريحك فيض يابن الاكارم
ابو ياسين السيلاوي
***
بالشعر شَط یاروح خل یبقيٰ جاری
منهل لبوالسجاد او للـ حِبّه جاری
عونه الیگلّه حسین هم انتّه جاری
وبالجنّه نور حسین یضویله دایم
ابوحسين المشّــاي
***
في حق أبالفضل العباس علیه السلام
نكتب بــسم عــباس ثـابـت وجابه
جمر الـزعــل وعداه يــا مـا وجابه
كــل النـهر بــالـجود خــلّاه وجابه
رغماً عليهم مـاي فض عالفواطم
محمدحسن ألعرادي
***
وكت الفزع عباس بيرق ورايه
خله النهر موجات تطفح ورايه
ماهمه كثر الجيش صامد ورايه
ثابت بطل عباس فخر الهواشم
ابشر يبو السجاد ظهرك خيمهن
فنها الزلم والخيل تگرب خيمهن
دچ الــرمح بلگاع نبـــع خيمهن
فاض الوفه وعباس راعي الغنايم
ابو ياسين السيلاوي
***
جيت ابأمل بالعوز اسحب وجربه
لليگضي للـحاجات ماشك وجربه
رايه وترف بالخير صارت وجربه
تروي العطش لليوم من گمر هاشم
فاضل الثوامري
***
في حق الأمام زین العابدین علیه السلام
مولــد علي الــسجّاد يــحمل بشاره
ميــلاده كــل طــاغوت ردّا ه بشاره
خامس شــهر شعــبان تعرف بشاره
أشــتم من المحراب فاحت نسايم
محمدحسن ألعرادي
***
مولد علي السجاد،عمّه وعوده
ومنهم نشأ بالخير غصنه وعوده
ربي الشمل بافراح زينه و عوده
شمل الى فوّح خير عطره ونسايم
فاضل الثوامري
***
ما رفع رمحه ابيوم رافع قلم سيف
زين العباد اوشوف بحر العلم سيف
نظم امور الدين سيف اعله من سيف
جود اوصحيفه اوزود بينه العلايم
ابو ياسين السيلاوي
***
أعضاء منتدی لغة الضاد