الدارمي المجنّس
الشاعر: ألشاعر منصور ألعرادي الفئه: دارميات,ألدّارمي المُجنّس
:::::::::::::::::::::::::::::::::::::
تمتلك عند الله أعظم وجاها
الغاصب لفاها ابجيش بالشَّر وجاها
نار الحقد بالباب شبها وجاها
وعين الشريعه صار بيدينه لاطِم
:::::::::::::::::::::::::::::::::::::
يا لوعه ذاك اليوم حيدر حملها
لو ماالوصويّه الحيد لا شك حملها
شاف الوديعه اشلون سگطت حملها
صبره يهدّ اجبال ولغيضه كاتِم
:::::::::::::::::::::::::::::::::::::
تفطر ابخبز اشعير وِصله وكسره
والضلع ما ننساه لا لا وكسره
فدوَه لضلعها ايروح قيصر وكسره
لا بل فداها اتروح كلّ العوالِم
:::::::::::::::::::::::::::::::::::::
يا وسفه خلف الباب طاغي عصرها
وِاظلَم عليها انهار صبح و عصرها
شيعتها تندب دوم صاحب عصرها
للثار ايسِل بتّار مهدي القائِم
:::::::::::::::::::::::::::::::::::::
✍🏻 منصور العرادي