الصفر

….. الصفر….
…
راح نبدي وي الامور امن الصفر…..
علمباديء والقيم…
عشناها وارضعنا التواضع من زغر…..
هذا قانون الحياة…
علمونه… ادبونه… رتبونه…
اشلون نمشي… اشلون نحچي… اشلون نبدي…
ولحد هسه ابگرصة اذني
اذكر احچايات يدي….
…..
اليارة اختنه…
كل بنات السلف حور امرتبه ومحشومه عدنه….
….
ابلعبة الغميضه نلعب
حدر مزوية كتر اخر سلف لذنه ولبدنه….
…..
الفزعه وحده…
الركضه وحده…
الگفه تندار ابعربنه
ابچيلة اسم الله تجاسمنه وگعدنه….
…. علمونه العاضه تنفع بلشدايد….
علمونه الكارة من تلتات ما يحملها واحد….
علمونه الواحد وزائد صفر يبگاش واحد…
علمونه الواحد وناقص صفر ناتجها واحد….
…..
خل نخاوي الصفر ويه الرقم واحد….
يطلع الناتج ابعشرة. يساوي عشرة….
يعني معنى العشرة
ناتج رقم عشرة….
لذلك…
نعرف المعشر نتيجه ارقام مجموعه اعله عشرة….
….
خلي نضربهن العشرة….
عشرة في عشرة
يساوي مئه…
مئه في مئه… يساوي عشرة الاف…
هذا حاصل موقليل…
راح نوصل للدليل….
…
صفر زائد واحد في صفر زائد واحد….
اجمع الحاصل تشوف العدد كامل….
يعني حاصل عدد شامل….
صفر زائد صفر زائد واحد
في
صفر زائد صفر زائد واحد.. يساوي..
هذا مجموعه الوف….
يعني حاصل للصفوف…. جيد جدا
…. طيب….
اعكس المطلب حبيبي…
…..
صفر ناقص صفر ناقص واحد
…. في….
صفر ناقص صفر ناقص واحد
يساوي….. واحد…
لذلك تنظر الواحد قليل….
تنظر الواحد ذليل…
…..
وشنهي رأيك لو صفه الواحد صفر…..
من تعيش الوحدك وتايه فكر…
من تشوف الناس تصعد
وانته تنزل لي حدر….
من تشوف اجروحك اغماگ وتراوفها ابصبر….
…. وشنهي حالك لو شفت
روحك صفر تحت الصفر….
…..
….. تحياتي…..
…. شايع ابو ياسين….