اللهم عجل فرجه
الشاعر: الشاعر هاشم آلبوغبیش الفئه: ولائیات,اللهم عجّل لوليك الفرج ياالله
عــجّــل يابـوصـالــح گــوم والــكــدها
العشـمه و كل عداك ابسيف دحصدها
دلــكــدها و عـــداك ابـســيـف دوليـها
او من سـيـفك تــون وتـنــوح خـلّـيـها
اذا ما انــتـه تـنـهـض تــحــتــزم بـيها
لــــعـــد ثـارات أُمّـك منــهـو الـيـردها
الـيـرد ثـارات أُمّـك مـنـهـو يامــغــوار
غــيـرك وانـتـه ابــن كــرار مــو فــرار
هاذ الـثـار مـحـله و گــوم دخــذ الثار
مو هـيّـن تـره أُمّـك يـنـصـطـر خــدها
مو هيّن عليك و چـيـف صابـر چـيـف
حيفك هاذ يـنـخـه وماتـــرد الـحيــف
ماطلّگ الغمده اشـلون بـعـده السيـف
او هاذ السيف جنّدل ندري ابـن ودها
هاذ السيف جـنّـدل نــدري الـمـرحـب
او هاذ السيف فرّت منّه كثـره اسـرب
يمته انشوف بيـدك شاهـره و تـركـب
مـهـرتـك للـوغـى و ياسـيـدي اتـهـدها
تهد يمته الأصيله انشـوف ياصـنديـد
وتــــذل الطـغـاة و ذاك يــوم الـعـيـد
تـره الـثـارات يامــولاي والله اتـريــد
اهلها و انتـه اهـلـها و انـتـه الـبـگدها
تـاخـــذهـا و تـــردهـا انـريـد ثـاراتـك
واتــراوي الأعـادي اشـلـون صـولاتـك
مـوهـيـنـه و مـشــن لـشّـام عـمّـاتــك
يبوصالح تـراهـي ابـحـگّك اشــگـدها
ندري اهواي صعـبه و هاي ماتـسـهـل
بــس اشـلــون صابـر وٱلـها تـتـحـمّـل
مواضيها الهـواشـم يـمـته چا تـنـسل
او بـرگاب الأعـادي اتـگـوم وتـحـدها
تحد يمته المواضي اتگوم يالموعـود
اوعد عينك نصيح اليـوم كلنه اجنود
ابليلة مــولدك هالجينه عـدنه اعـهود
اوياك ابكـل شـرف ونـحب نـجـدّدها
هاشم كارون البوغبيـش