ام گیمر

“اُم گیمر”

یاام گیمر و یاام گیمر ویاام گیمر
حوریه لو انسیه الله الیِستَر
……………..
رحتِ النجف گاصد ازورن مولاي
ابراگِ الحرم امشي واعاين بِهداي
لن شفت ريم ايبيع گیمر مع شاي
قررت اشرب شاي و آكِل گیمر
…………..
شفتِ الزلم کل واحد اشکبراته
امجابل ام گیمر یعلس ابلگماته
و القوري وسط المنقله اشمحلاته
ابيض شبيه اخدود ولفي الأشگر
…………
شایل افاعي سود فوگ امتونه
و ابلاکحل مکحوله سود اعیونه
امخفّي‌الخناجرتحت غمداجفونه
خزراته تکتل چن اشعة ليزر
……………
مِن يلتفت گلبي تفت لفتاته
يچتل الضیغَم لو رمی ابچیلاته
مایستهم و القتل من عاداته
و الینظره فوگ الثری یتگنطر
……….
یحچي ابإشاره او گبل لااتکلّم
حط لي الريوگ ابصینیه متعلِّم
صدّگني لو بالگیمر ایحطِّ السّم
آكِل و لااهتم و لا اتعذّر
………….
آکل و اباوع و آنه اعَض بِبهامي
و انسيت كل ضيم العَلَي و آلامي
ما احِس لاچن دم شفت جدّامي
عضْوا لَصابِع مثلي كلِ المَعشَر
………….
لا اتلومنه منِ الوجد غرمانین
مانِحِس من ذاک الحِسِن خدرانین
مو خمره شاي اشربنه بس سكرانين
و الرْاح ضل يتطوطح و يتعثْر
…………….
ردّیت یَم لَشگَر و ابوعیون السُّود
جِمّار چن مرمر یرارن لِزنود
اتریّگِت مرّه و ارجعت عنده اردود
اشماآکل اریوگ آنِه اجوعن اکثر
……………
ینشدني من أي يا بلد ايراني
موصلي لو حِلّاوي ،كردستاني
الساني انعقد تيْهِت کل عنواني
گتله آنه احبّك گلي لا تِتغَشمَر
…………
سبحان ربِّ الصوّرک غصنِ البان
لؤلؤ عقیق اودَعِ ابجسمک مرجان
و امنِ الفواکِه تین خوخ و رمان
اشما في‌الجنان انوِجَد فیک اتجَمهَر
……………..
خردلني حُبَّه اوگَعِت مو تقصیري
و انگلبَتِ المنقله و طاحِ القوري
انطَشِّ الفحم والجمر کِلَّه ابحیري
حسبالي چکلیت و عَلَیَّ اتنَعثَر
…………….
افقَدتِ الوَعي حَسِْبَوا میِّت خلصان
حگهُم لأن ما دِرَوا عاشگ ولهان
و اچفوفهُم نِشرَوا الربِّ الرّحمان
لَجلِي تِلَوا “أمَّن یجیب المُضطَر”
……………………………………

سیدمحمدصالح الموسوي
آل حكيم