انت امنین؟
الشاعر: ألشاعر محمد حسن العرادي الفئه: اجتماعیات, وجدانیات,إنت امنين؟
** ** **
مــن عاصــمة أهل الضاد
مــن مـنتدىٰ اوجوه الخير
ســلّم عــلي راعـي الطيب
و ابــروحـــه يــحمل ألغاز
**
وايـــــد عــجبني ابـــملگاه
و اســتبشِرَت بــيه الروح
گمـت اسئــلت إنتــه امنين
وصـفك مــدح وايــد حــاز
**
اتحزّم ابــيشماغــه و گــال
يالتــسئل اعــليّه امـــــنين
إخــذ الــجواب الـــمطلوب
مـن درب راقــي و ممـتاز
**
آنه ابــن أربـــاب الــــذوق
واهـــل الــكرم والــــحيّاك
بيّــه الــخفاجـــيّه اتــعيش
و حــويــزه نخوتها اعجاز
**
گـــتله اســـتمر أتــــرجّاك
عـندك مـلامــح طــــيبين
گال آنه ابن أرض السوس
وبـــويـــس دايـــــم أمــتاز
**
سـولـف بــعد گـتله و گول
حـچيك يــونّــس لــــسماع
گــال آنـه ابــن حي الـعين
و ابــهنديان اهــلي اعزاز
**
اي گـتله وضّـح خنشوف
بـعد ابــوجـودك شــتشيل
اعميديّه و اهــل ابـسيتين
گال الــزمــط بــيهم فــاز
**
گتله يـخي صــيتك نــار
يرهب ولا يعرف خوف
بالكوت گـَـلّي و كـارون
دايـــم عَــلَمهم هــــــزّاز
**
بالزينه و اكرام الضيف
لو ســولــفت عـدهم يوم
شاوور و ابرومي الخير
مـا يــظهرون اشــمئزاز
**
بـاوي و بعد حــد شيبان
عنوانهم ماخــذ صـــيت
لو ســوفلت بالأشــراف
هــالإســم إلـــهم يــجتاز
**
مـــن مــلا ثاني الأفـاق
حد خلف ابــاد اتوافـيك
وتحولك الـحد مــعشور
ســربندر الـكلّه انـــجاز
**
أهــل الحـميديّه امــجاد
ملاّشــية صـــيت الخير
عدهم محَط فوگ الغيم
لـــو حلّـگوا شــبه الباز
**
اليراحي والكورا انجوم
و اهــل الـــفلاحيّه اكبار
بالــكرخه والـدز تاريخ
ما تــخذلك مـــن تــعتاز
**
گام عله حيله وچن صاح
ايزيره وأهل كوت الشيخ
امـحمره و أهــل عـبّادان
للــوطــن وگــفو عــكّاز
**
لــو ســـولــفت بـيهم يوم
عند الدول و اهل الضاد
عنــهم تــسولــف لـمجاد
يتــباهـــا بـــيهم لــــهواز
**
كل هايه من خير حسين
يـعني الـشرف والتثقيف
مــن إلنـا تـــمتد الإيــــد
ننطيها بــترول و غــــاز
** ** **
ك:محمدحسن ألعرادي
تمت ١٧ صفر عام ١٤٤٣ هـ . ق