بابا
الشاعر: ألشاعر موسی ألدیراوي الفئه: وجدانیات,(( بابا ))
عنّک کثره تحچي و لیش ؟ عنّک چنهه ما نطقت …
یه بلکت گلّی وین الگالک ؟؟؟…
دوّرت الکتب لهفان و متچّی الأمل عل مدري و لبلکت …
دوّرتک لگیت اتعیش بأول جمله علمونی !!!…
بابا ابماي یروینه … 💧
بابا الخبزه ینطینه …🫓
لاچن ما درینه و حیف …😔
يثلم روحه وكت انجوع
و بابا النّعمه ؛ چفّه العیش …
اثاري ال بابا هوّه الماي من نعطش …
ضیّعنه ال یحبنه و غاب و عدنه الغایه بس نلعب …
(جبنه🧀) الدنیّه و بمنقار و غیر (الجبنه🧀) ما نرغب …
سالوفة طمع و الحیله بینه اتعیش و عشنه اغراب و الثعلب …
لهینه و ما درینه الحیف ؛؛؛ رمز السالفه الشجره …
و ترکنه ابکل غصن کسره …
و لهینه ابلهوة الغنّام و انچذّب …
ضحکنه ابفرحه و نچذّب …
بچینه ابدمعه و انچذّب …
تعبنه امن الچذب و النّاس حگهه اتعوف …
لاچن باقي بس انسان من الفزعه ما یتعب …
بسّک لا تشب غمصان یا دهقان …
قطار اعقولنه التعبان شاف النّار و ما فتّر …
عوف الریل و تکتّر …
احنه انرید بحیار الجهل ندعم …
و بینه ارجوک لا تهتم …
یه مهدي (عج) ال بابا انته اتصیر و بینه اشلون ما تهتم …
🖋️ . موسى الديراوي 🌴