بعد استشهاد الإمام الحسين ع
الشاعر: الشاعرة زهراء جبار الفئه: ولائیات,بعد استشهاد الإمام الحسين ع
سألته والدته فاطمة الزهراء س عما رآه عندما كان الشمر يقطع رقبته ؟:
و الحسين عليه السلام قائلا
** ** **
شفت الدنیه مگلوبه و مره ترکض
و لیل ابلا رحم فوگ الضوه امچلچل
*
قفص والدایراته اذیاب نهاشات
حمام ابلا جنح طوفانهم مثجل
*
شفت شوک و حجل والحنه صبغت موت
حجله ابلا عرس بیهاالعده اتهلهل
*
جربه امشخله و ترتل شفتها الماي
ثجیله و من ثگلها الغیم اجه امهدّل
*
طفله ابلا لعابه ومرجهاهه السوط
چلاب و تراچي و السده ایفشل
*
شفت هبّ الرماد و خیمه ترکض نار
و علی اظهور السبایه اسیاطهم تنزل
*
شفت هیبة نبي والغار مو مامؤن
عناکب هدت وبخیوطهن تغزل
*
او شفت الشرف واگف والعبي امچلبات
خدر الدین یحچي والزلم ترِتِل
*
شفت سبعین واجب سجد و اعلی الگاع
و شفت سبعين الف دجال ينگط ذل
*
شفت كاروك ميت والنعاوي اثگال
و شفت عصابه مالت والسبي يکتل
*
شفت طاح البحر والطين صدگ شیخ
فزّع دهلته و على ماي مستعجل
*
مابیهم علي اهل الکراسی انذال
مناجلهم هله بس ذابحه السنبل
*
ساعه و غمّضت عيني و چهبني الليل
فلاح السهم بالعين ضل يشتل
** ** **
زهرا جبار