بیها ناس
الشاعر: ألشاعر محمد حسن العرادي الفئه: اجتماعیات, وجدانیات,بيها ناس
** ** **
ما شفت بيهم حچي ايونّس ضماير
ما شـفت بــيهم وجـه بيه ابــن آدَم
**
بيها ناس اشما حچت گد السوالف
بيها ناس ابخنصر الشيطان خاتَـم
**
للمذلّه حــدود شـفنه ابـوجه خـايب
ادري ليش ارخيصهم للأقـــل سالَم
**
الما يگبلك شَوف يعني انته طريده
لـيش كــليوم ابـرقـم تـطلب امنادم
**
ليش كـليوم ابـشكل تـطلع تسولف
والحقاره ابطلعتك تــرست الـعالَم
**
خيط صيتك منگطع والخرز طشّت
يا امـطشّر بـالحچي الـمعدول ساهَم
**
عيب تفرض نفسك اعله الما يريدك
اشـلون افــهّم راس أبــداً مــايتـفاهَم
**
انته يالتنگل حچي و صاير وساطه
لا تــصير ابكرم كل فـــتّان حــاتَــم
**
خاف من تمطر حَظر والزلگ خادع
كـل إزالـه امن الـحَظر بــيك ايتــقاسَم
**
احـنا نـعرف نــاسنه و نحترم كــلشي
مــا نــحب الــشَتم والـــراد ايتــشاتَــم
**
بــعد لا تــدخــل عــليّه ابــرقم ثالــث
عــيش حــالك ويّــه صــنفك بلمرادم
**
حیث لنها الـمستحی امحدد شـرطـها
والنزعها وبــاعـها الـتقصیره حاکَــم
** ** **
محمدحسن ألعرادي
الله الله قصيده في غاية الروعة والجمال وفيها رساله لبعض الناس الي تذل نفسها وكرامتها
وجذي ناس اصلاً يعتبرون مهزوزين الكرامه وعزة النفس اكرمكم الله ولا يسوى حد يعتبرهم …. أبدعت وأجدت يا شاعرنا وأستاذنا الكبير
:::::::::::::::::::::::::::::
من عز نفسه مايذلونه الناس
ومن ذل نفسه .. لا يدوّر معزه
والحر يكفخ بالسما دون مقياس
وعش الحمام ايطيح لا أهتز هزه
شكري و امتناني الذوقكم الرفيع و انتم اهل الأدب مروركم و تعليقكم شهادة اعتزاز من بدايته حتى الابيات الشعرية الجميلة و هالشي يدل على ثقافتكم الادبية طبعاً.
شكراً لكم استاذة حنين الشوق
*دام ابداعكم يا شمس العطاء والاحساس*
ك سابق ماتُعرف بِه جبل من الشموخ وصادق ودقيق وبنفس الوقت حساس في اختيار المواضيع للقصيد كل اسد تصيدها بل عزه والاقتدار بأختصاصك لفنك في ادب الشعر والصياغ المفردات
عندما تنطلق من عالم اشعارك في صدر المطلع لل عجز الاول
*ماشفت بيهم وجه بيه ابن ادم*
يهب الأهجاء لمن لا يوجد لهَ مكان في قلبك الطاهر.
ثم تتأخذ حدادت اشعارك الصارمه بعطف كمال اخلاقك ولأخر مره تحن على من طردته من جنانك بل توعيض
في بيت الرابع والخامس والسادس حیث تقول
*المایگبلک شوف یعنی انت طریده لیش کلیوم ابرقم…*
حتی’ تصل الى قلب ميدان القصيده وهنا تُحذرهُ ان لایدمج التضاد فی خصائل الطيبه والخبثه
*انت يل تنگل حچی وصایر وساطه لا تصير*
👈🏻 *ابكرم*
*كل فتان* 👉🏻
👈🏻 *حاتم*
واخيراٌ تطبع في الختام بل حُسن الجميل وترجع الى المسحتي’ هيه اجمل واكمل نوع لوجوه البشريه والانسانيه
وتقول عنها :
*والنزعها وباعها التقصيره حاكم*
وهذا الفن من الادب يختص بنوعك يا ابا فلاح الكبير تحياتي لك يا استادنا العزيز
اعتذر للجساره انه اتابع ولا اعلق عن اي مخوطه لاكن جعلتني كتابتك هذه ان احس بأن كتبتاها عن واقع قريب من ازاعجك
دمت مبدع يا استاد🌹🙏🏻
يا حبيبي و عزيزي الاستاذ الشاعر المتواضع
سيد عبدالخالق الحسني الفذ
ابهرتني تعليقاً و تحلياً مبسّط و راقي لهذه اللوحه المتواضعة و انت صاحب الذوق الرفيع في استواعبك و تقييمك و كتاباتك ايضاً
و كل مفرده كتبت بأناملك المباركة تعتبر لي انا شخصيّاً شهادة اعتزاز و تقدير من سماحتك يا محترم
ادام الله وجودك و عطائك الأدبي دوماً و ابدا