تلبــــــــوح
الشاعر: ألشاعر محمد حسن العرادي الفئه: وجدانیات,تلــــبوووووووح
******
خــلّيني اعــله بــاب
احـچايــتك تــلبوح
مادام الـحچي امـن
العدل ظل ممسوح
***
لــن كـــلمن تــحزّم
للــحقيقه و صـــاح
يا تلــبوح شــو اترك
حــچي الــمفضوح
***
ســودّني الــيخربط
والــزحاف الــشيخ
والــناس الــــتبارك
والــشعر مــــجروح
***
برطــمت الـشفايف
على حــروف اتــياه
لــن ريــح الــزحـاف
امن القصيده ايفوح
***
حَــط مـنتدىٰ الضاد
احموله يبــچي انجاز
بـــس وايــــد داوئــر
حچت مـو مــسموح
***
كــلشي عــوفه وترك
ســاس أهـل الساس
خــــلّيها الـــــــصور
للبالقصيده ايــشوح
***
ثنّــــيت الــــركــب و
اقبلت هــالـــتأخـــير
بــس شــفت الــصور
محروگه دون اوضوح
***
كلــشي طلــع طامش
والــــــقيقه اتــــــياه
چم طوفــان مـتقصّد
ســــــفينة نـــــــــوح
***
رد قـــابــــــيل ســـن
ســچـينته الـــهابــيل
واقــــراب الـــدفـــن
شاهد على الــمذبوح
***
مــن هــاي افـــهمت
ريـــمازه تـــلعب دور
تگــرش بــــالــخشب
وتثـــرّب الــــمملوح
***
من أســكت ســكوتي
اتنــاطــحه الـويـلات
أحـــــچيها گـــــــبل
للشوفه ظل مشبوح
***
مــمــكن تــعتريـــك
احــچاية الــمگراض
إنظــرني ابــمزاجــك
نظــــــرة التــــلبوح
***
ابوفلاح محمدحسن ألعرادي