جدر عافیه

عافیة جدر
ـــــــــــــ

انتي یا اول حضن یحضن حدید
وحاضنه المسمار مدري الیاسبب

انتي ساتر حیدره وجبهت دفاع
لجل حیدر ندری ابطولچ تعب

حتی ضلچ بی خجل مثلچ اکید
ونتی انقی منلهوا المن الله هب

انتی الله یترجم اعیونچ قنوت
الغیمه من تشتاگلچ تمطر ذهب

لوجهنم تبرد اجدورچ تفوور
حرگت الملگه منگولن موحطب

چم ملک ماخذجنح بیدچ یطیر
ولعتید ایگوم بس یغرف ادب

منچ الیاخذ علگ سید یصیر
انتی موش ام الحسن ام العجب

الیل من نورچ اخذ عشه النجوم
ومن عطشتي غیم لعیونچ حلب

النور من شافچ ضوا غمض وراچ
انتی مثل امه وضوه منچ کسب

الفاسه والشجره تره ابیتچ خوات
والدلیل الراوی چی عنچ کتب

الضافه جبرائیل مثلچ خل یگول
یاهو منهم عنده گد زوجچ رتب

لو حچیتی البیر یخبزلچ رغیف
وحتی لوعاگول یتحول عنب

الگاع صبخه وانتی شربتیهه مای
والکرم خجلان اجه ابابچ وچب

والبلد آمن لان ‌چنتی انتی بی
انتی وابراهیم هم عدکم نسب

اظلوعنه الشباچ اذا نبنی الضریح
وکون گبتچ تنبنی بچتف الشعب.

عبدالحسین الصیاحی..