جرح ينزف
الشاعر: ألشاعرة ام عدنان سیّاحي الفئه: ولائیات,جرح ينزف
〰〰〰〰〰〰〰〰〰〰
ضل جرح ينزف فلاطاب وشفه
من اهد ما طه ابوالــزهره غفــه
عگب عينه انداس بستان الطُهر
ونور منزل حيدره وسفــه طفـه
يا حسافـه اتبعثرت زهـــرة علــي
ندبت وصوت الفرح فجئه اختفه
وردة الجوري انكسر منها الغصن
نزفت اهواي العمر سـرعه انتفـه
بثت اعطور انترس منها الفضاء
وفجئه بدموع اليتم صار الصفه
وسفه من عگبه تُهان ام الحسن
راحـت الــدّره وعـليــه متلهفــه
تشكي بثها اعله الولد يم الشهم
اتگله بويه صحبتك كلــها جفــه
من عگب عينك فلا هابوني قط
وهُمْ يَعرفونـي اشكــثر متعفـفه
اشتكت يم النبي المرسل بچـت
طـــاري الام الجــرح شتــوصـفه
جرح ثاني من عگب طه الرسول
ضــاع ابــنها وبـعد علدنيه العفه
سلهمت عــين الشهيـــده فاطــمــه
ناح جبــريل ابسما ضـــج هــاتــفه
٭٭٭٭٭٭٭٭٭٭٭٭٭٭٭٭٭
✍ام عدنان سياحي